باس پروكۋرور بەرىك اسىلوۆتىڭ ايتۋىنشا، زاڭسىز شىعارىلعان اكتيۆتەردى قايتارۋ تۋرالى زاڭ قابىلدانعالى بەرى وليگوپوليا سۋبەكتىلەرىنەن 1،3 ترلن تەڭگەدەن استام قارجى ءوندىرىلدى. ونىڭ شامامەن 850 ملرد تەڭگەسى مەملەكەت كىرىسىنە ءتۇستى، دەپ حابارلايدى Dalanews.kz.
اسىلوۆتىڭ مالىمەتىنشە، قايتارىلعان قاراجات ەسەبىنەن جالپى قۇنى 375 ملرد تەڭگەگە 207 سۋ قۇبىرى نىسانى، 177 مەديسينالىق مەكەمە جانە 14 ءبىلىم بەرۋ مەن سپورت نىسانىنىڭ قۇرىلىسى باستالدى.
وليگوپوليا سۋبەكتىلەرىمەن كەلىسىمدەر جاسالىپ، ەلگە 5،2 ترلن تەڭگە ينۆەستيسيا سالۋ تۋرالى مىندەتتەمەلەر قابىلداندى. ونىڭ ىشىندە الماتىدا جاڭا تۋريستىك كەشەن، وزگە وڭىرلەردە كولىك-لوگيستيكالىق ورتالىقتار مەن زاۋىتتار سالىنباق.
ماسەلەن، 3 مىڭنان استام جۇمىس ورنىن اشاتىن تاۋ-كەن بايىتۋ كومبيناتى بوي كوتەرەدى. ول ءوندىرىس كولەمىن ۇلعايتىپ، رەسۋرستاردى وڭدەۋ دەڭگەيىن ارتتىرادى، ەلدىڭ ەكسپورتتىق الەۋەتىن كۇشەيتەدى جانە سالىق تۇسىمدەرىن كوبەيتەدى.
سونىمەن قاتار وليگوپوليا سۋبەكتىلەرى جالپى قۇنى 122 ملرد تەڭگەنى قۇرايتىن 16 مەكتەپ پەن بالاباقشا، 8 دارىگەرلىك امبۋلاتوريا مەن اۋرۋحانا، 13 سپورت كەشەنى جانە 16 مادەني-دەمالىس نىسانىن تۇرعىزادى.
بۇل جوبالار 8 مىڭنان استام قوسىمشا جۇمىس ورنىن اشادى. باس پروكۋرور اتالعان نىسانداردىڭ قۇرىلىسىن قاتاڭ باقىلاۋدا ۇستايتىنىن اتاپ ءوتتى.
