Men buǵan deiin AShM 2 aiy boiy, jeltoqsannyń sońynan beri ASB (ISJ) (aýylsharýashylyǵy janýarlaryn sáikestendirý bazasy) kosmomonitoring júiesi úshin ashpai otyrǵanyn jazǵanmyn.
Sonyń kesirinen eki ai boiy prezident Toqaevtyń jaiylym jerlerge qatysty tapsyrmasy oryndalmai otyr. Men muny ministr Saparhan Omarov tarapynan memleket basshysynyń bastamasyna kedergi keltirý dep sanaimyn. Halyqtyń qanshama ýaqyt sol bir «eki siyr» ustaý úshin jaiylym jerlerdiń bosaýyn kútip otyrǵanyn aitpaǵanda.
Endi kelip aýylsharýashylyǵy ministrligi elektrondy kartogrammalardyń aqparattyq júiesine jerdiń agrohimiialyq jaǵdaiy týraly málimetterdi terkeýdi 2 jylǵa shegerýdi usynyp otyr.
https://agroinfo.kz/minselxoz-predlagaet-priostanovit.../...
Bul mindetteme OSYǴAN DEIIN DE 2 jylǵa, 2019 jyldan 2021 jylǵa shegerilgenin aita ketý kerek. Mine taǵy shegerip otyr.
https://kazakh-zerno.net/149732-mskh-kazakhstana.../...
Bul fermerlerden ýaqytsha paidalanýǵa, iaǵni arendaǵa alǵan bizdiń jerdi qalai paidalanyp jatqany týraly avtomatty elektrondy rejimde esep berý mindettemesin jáne ony qadaǵalaý múmkindigin joqqa shyǵarady.
Jerdi fermerler agrohimiiany qalai qoldanyp jatyr, onyń tynyǵýyna múmkindik bere me? Jerdi birdaqyldy tájiribemen, tyńaitpaýmen tozdyryp jatqan joq pa, tuqym aýystyra ma? Bylaisha aitqanda, AShM fermerlerdi osy mindettemelerdiń barlyǵynan bosatyp otyr.
Jerdiń naqty bir ýchaskesiniń agrohimiialyq jaǵdaiynyń taldaýyn ashyq, mindetti jáne jariia etý – adam analizi siiaqty – jerdi kútip ustaý men oǵan qamqorlyqtyń ózegi. Óitkeni bir fermer bir jerdi biraz jyl paidalanyp, keiin ótkizip ketedi, al jer kelesi býynǵa qalady. Sondyqtan biz fermer jerdi durys paidalanyp jatqanyn baqylap otyrýymyz kerek.
Sońǵy jyldardaǵy jerdi «keremet» basqarý saldarynan jer sapasy tómendep, jerdiń taqyrlanýy, a/sh jerlerinde bonitet balynyń tómendeýi júrip jatqany jasyryn emes. Munyń barlyǵy osyndai sheshimder saldarynan baqylaýdyń tómendeýinen bolyp otyr.
AShM jer qatynastaryndaǵy ashyqtyqqa sabotaj jasap otyrǵany aidan anyq. Kosmomonitoringke kedergi jasady, endi qoǵam nazarynan jerdiń sapalyq jaǵdaiyn jasyrmaq. Bul jerde múddeler qaqtyǵysy anyq kórinip otyr. AShM fermerlerge sýbsidiia beredi (árine, eshqanda «otkatsyz»), sóitip otyryp fermerlerdiń jerge qatysty jumysyn tiisti deńgeide baqylai almaidy.
Bizge Jer qatynastaryn basqarý jónindegi tikelei prezidentke baǵynatyn, fermerlermen aqshaǵa qatysty qatynasy joq jeke Agenttik kerek. Jer – memlekettiń negizi, munda tolyq tártip pen ashyqtyq bolýy kerek.
P.S. QR Ekologiia, geologiia jáne tabiǵi resýrstar ministrligi de osy naqty máselege nazar aýdarady dep úmittenemin.
Muhtar Taijannyń jazbasy
