Aýyl sharýashylyǵy ministrligi ettiń ne sebepti qymbattaǵanyn túsindirýge tyrysty, dep habarlaidy Dalanews.kz.
Sońǵy ýaqytta aqparattyq keńistikte siyr eti baǵasynyń ósýi men ishki naryqta et tapshylyǵynyń yqtimaldyǵyna qatysty alańdaýshylyq baiqalyp otyr. Alaida 2025 jyldyń 7 aiyndaǵy naqty derekter saladaǵy turaqtylyq pen oń dinamikany kórsetedi.
Shilde aiynyń sońyndaǵy jaǵdai boiynsha iri qara mal basy 8,7 mln basqa jetti, onyń ishinde 4,5 mln siyr (+3,1%). Buzaýlardyń sany 2,7 mln basqa deiin ósti (+17,9%), bul óndiris kólemin odan ári arttyrýǵa negiz.
Qańtar–shilde ailarynda elde 608,8 myń tonna et óndirildi (+1,8%), onyń ishinde 205,7 myń tonnasy siyr eti. Bul ishki naryqta jetkilikti usynystyń baryn jáne salanyń turaqty damýyn rastaidy.
Óndirýshilerden shyqqan IQM etine kóterme baǵalar kg 2400–3100 teńge aralyǵynda, bólshek saýdada - 3000–3700 teńge/kg, óńirge bailanysty ózgerip otyrady. Baǵanyń ósýi ishki faktorlarǵa bailanysty: selektsiialyq-asyl tuqymdyq jumysty sýbsidiialaý toqtatyldy, energiia resýrstary qymbattady (elektr energiiasy +11,3%, gaz +15,9%, sý +96%-ǵa deiin), jem-shóp, JJM, veterinarlyq preparattar quny artty, AÓK-degi jalaqy kóterildi, sondai-aq jetkizý tizbegindegi deldaldardyń áseri baiqalady.
Sonymen qatar, qazaqstandyq siyr etine syrtqy naryqtaǵy suranys artyp keledi.
Qańtar–maýsym ailarynda eksport kólemi 16,1 myń tonnany qurap, 2,4 ese ósti. Negizgi baǵyttar - Ózbekstan, Tájikstan, Qyrǵyzstan, Qytai jáne BAÁ. Bul otandyq ónimniń sapasy men básekege qabilettiligin dáleldeidi.
Qazirgi tańda bordaqylaý alańdarynyń júktemesi 35–40%-dy quraidy. Ony arttyrý maqsatynda 2025 jylǵy 1 tamyzdan bastap jyldyq 5%-ben 12 aiǵa jeńildetilgen kreditteý baǵdarlamasy engizildi. Bul maqsatqa 50 mlrd teńge bólindi. Baǵdarlama jas maldy, jem-shópti, JJM men jabdyqty satyp alýdy qarjylandyrady jáne bordaqylaý alańdarynyń júktemesin 60%-ǵa jáne odan joǵary deńgeige jetkizýge múmkindik beredi.
Baǵanyń ósýine qaramastan, qazirgi siyr eti quny óndirýshiler úshin áli de tabysty bolyp otyr. Memlekettik qoldaý usynystyń qysqarýyna emes, artýyna yqpal etip, ishki naryqtyń qajettilikterin tolyq qamtamasyz etýde.
