QazUÝ basshylyǵy maqalada jazylǵan dúnielerdiń dáieksiz ekenin aityp, ýniversitet prorektory D.Ahmed-Zákidiń atynan «Ashyq hatqa» jaýap jiberipti.
Biz óz tarapymyzdan atalǵan «Ashyq hatqa» jaýapty jariialap otyrmyz. Aita ketelik, gazet avtorlar maqalasynyń mazmunyna jaýap bermeidi.
Redaktsiiadan: "Ashyq hattyń" taqyrybyndaǵy («Munyńyz qalai, Mutanov myrza?») saýalǵa bailanysty gazet redaktsiiasy bylai habarlaidy: taqyryp mazmunǵa qatyssyz, artyqtaý ketkeni úshin QazUÝ rektory Ǵalymqaiyr Mutanovtan keshirim ótinedi. Aldaǵy ýaqytta yntymaqtasa jumys isteýge ázir ekenimizdi jetkizgimiz keledi.
Tómende Ashyq hatqa jaýaptyń tolyq nusqasymen tanysa alasyzdar.
«Qala men Dala» gazetiniń 15 qańtar 2016 jylǵy sanynda ál-Farabi atyndaǵy Qazaq Ulttyq ýniversitetiniń bet-bedelin qaralaityn «Ashyq hat» jariialanǵan eken. Maqala avtory Nuǵyman Aralbai QazUÝ basshylyǵyna qarata «botanika kafedrasy» jáne «geobotanika» mamandyǵyn japqandyǵy jóninde orynsyz aiyp taǵypty.
Bizdiń bulai deýimizge naqty negiz bar.
Shyndyǵynda, «geobotanika mamandyǵy» QazUÝ bakalavriatynyń mamandyqtar tizbesinde 1999 jyldan beri joq. QR Bilim jáne ǵylym ministrliginiń bakalavriat mamandyqtary tizbesine enbegen. Gazette kórsetilgen Botanika kafedrasy múldem bolmaǵan.
Osy aitylǵan dúnielerdiń barlyǵyn negizge ala otyryp, mynany habarlaimyz: Nuǵyman Aralbaidyń «Ashyq hatynda» aitylǵan máselelerge qazirgi rektordyń eshqandai qatysy joq.
Ál-Farabi atyndaǵy QazUÝ prorektory
D. Ahmed-Záki
