قازۇۋ باسشىلىعى ماقالادا جازىلعان دۇنيەلەردىڭ دايەكسىز ەكەنىن ايتىپ، ۋنيۆەرسيتەت پرورەكتورى د.احمەد-زاكيدىڭ اتىنان «اشىق حاتقا» جاۋاپ جىبەرىپتى.
ءبىز ءوز تاراپىمىزدان اتالعان «اشىق حاتقا» جاۋاپتى جاريالاپ وتىرمىز. ايتا كەتەلىك، گازەت اۆتورلار ماقالاسىنىڭ مازمۇنىنا جاۋاپ بەرمەيدى.
رەداكسيادان: "اشىق حاتتىڭ" تاقىرىبىنداعى («مۇنىڭىز قالاي، مۇتانوۆ مىرزا؟») ساۋالعا بايلانىستى گازەت رەداكسياسى بىلاي حابارلايدى: تاقىرىپ مازمۇنعا قاتىسسىز، ارتىقتاۋ كەتكەنى ءۇشىن قازۇۋ رەكتورى عالىمقايىر مۇتانوۆتان كەشىرىم وتىنەدى. الداعى ۋاقىتتا ىنتىماقتاسا جۇمىس ىستەۋگە ءازىر ەكەنىمىزدى جەتكىزگىمىز كەلەدى.
تومەندە اشىق حاتقا جاۋاپتىڭ تولىق نۇسقاسىمەن تانىسا الاسىزدار.
«قالا مەن دالا» گازەتىنىڭ 15 قاڭتار 2016 جىلعى سانىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ بەت-بەدەلىن قارالايتىن «اشىق حات» جاريالانعان ەكەن. ماقالا اۆتورى نۇعىمان ارالباي قازۇۋ باسشىلىعىنا قاراتا «بوتانيكا كافەدراسى» جانە «گەوبوتانيكا» ماماندىعىن جاپقاندىعى جونىندە ورىنسىز ايىپ تاعىپتى.
ءبىزدىڭ بۇلاي دەۋىمىزگە ناقتى نەگىز بار.
شىندىعىندا، «گەوبوتانيكا ماماندىعى» قازۇۋ باكالاۆرياتىنىڭ ماماندىقتار تىزبەسىندە 1999 جىلدان بەرى جوق. ق ر ءبىلىم جانە عىلىم مينيسترلىگىنىڭ باكالاۆريات ماماندىقتارى تىزبەسىنە ەنبەگەن. گازەتتە كورسەتىلگەن بوتانيكا كافەدراسى مۇلدەم بولماعان.
وسى ايتىلعان دۇنيەلەردىڭ بارلىعىن نەگىزگە الا وتىرىپ، مىنانى حابارلايمىز: نۇعىمان ارالبايدىڭ «اشىق حاتىندا» ايتىلعان ماسەلەلەرگە قازىرگى رەكتوردىڭ ەشقانداي قاتىسى جوق.
ءال-فارابي اتىنداعى قازۇۋ پرورەكتورى
د. احمەد-زاكي
