Almatyda balalaryn jekemenshik mektepke bergen ata-analar shaǵymdanýda. Mektepten tamaq jegen balalar jii aýyratyn bolǵan. Túski asqa berilgen ashyǵan sorpa men óli tyshqan túsirilgen video olardy qatty alańdatýda, dep habarlaidy Dalanews.kz
KTK telearnasyna daiyndaǵan reportajda Karlyǵash Tagaevanyń qyzy biyl jekemenshik mekteptiń birinshi synybyna barǵan, alaida úsh aidyń ishinde qyzyn sabaq ústinen úsh ret alyp ketýge májbúr bolǵan. Qyzy ishiniń aýyrǵanyna shaǵymdanyp, qusyp, dene qyzýy kóterilgen. Dárigerler muny ýlaný dedi. Keiin belgili bolǵandai – mundai jaǵdailar jii bolǵan.
Ashanaǵa shaǵymdar túsken: taǵamnyń portsiiasy az, kókónister buzylǵan, ydysta jii shash kezdesedi. Túski asqa berilgen burshaq sorpasynyń qyshqyl iisi jáne ashana aýmaǵynan tabylǵan óli tyshqan ata- analardy alańdatýda.
Sorpanyń qyshqyl iisi boiynsha direktor burshaqty durys daiyndamady dep túsindirdi. Jalpy, ár taǵamdy berer aldynda medbike tekseredi. Biraq sol kúni ol kúdikti eshteńe baiqamaǵan.
«Keiin sorpany tarata bastaǵanda iis shyqty jáne biz dereý shara qabyldadyq. Kelesi aptada bizde jańa operator, jańa mázir bolady. Biz bárin ata-analarǵa kórsetemiz, olarmen birge jumys isteimiz. Jáne jańa brakeraj komissiiasyn quramyz, oǵan tikelei oqýshylardyń ata-analary kiretin bolady», — dep TOO «Abroy School» bas direktory Qanat Ahmedov túsindirdi.
Ol tyshqandar týraly da pikir bildirdi. Kemirgishter daladan kirip ketedi, biraq mektepte únemi deratizatsiia júrgiziledi deidi. Endi bilim ordasyna sanitarlyq dárigerler keledi. SES málimdegendei, bul mektepte oqýshylardyń ata- analarynan kelgen alǵashqy shaǵym. Al ázirge ákimshilik revizorlardyń kelýin kútip, ashanany tolyqtai jaýyp tastaǵan.
