Qytaıdyń Hanchjoý qalasynda ótip jatqan jazǵy Azıa oıyndary máresine taıap keledi. Búgin ulttyq qurama qorjynyna birneshe júlde tústi. Solardyń birin Túrkistan oblysynyń sportshysy, ulttyq qurama múshesi Ásel Qanaı enshiledi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Karateshi qyz 61 keli salmaq dárejesinde úshinshi oryn úshin tartysta Iran sportshysy Atýsha Golshadnejadty 1:0 esebimen tize búktirip, Azıa oıyndarynyń qola júldegeri atandy. 22 jastaǵy Ásel Qanaı Azıa oıyndarynda 4 jekpe-jek ótkizip, úsheýinde jeńiske jetti.

Atap aıtsaq, Malaızıa, odan keıin Fılıppın sportshysyn jeńdi. Jartylaı fınalda ǵana qarsylasyna ese jiberdi. Degenmen  jarysty jeńispen aıaqtap, senimdi aqtaı bildi.