Qazaqstan Respýblikasy Úkimetiniń qaýlysymen Asan Kóbentaiuly Darbaev ulttyq ekonomika vitse-ministri qyzmetine taǵaiyndaldy, dep habarlaidy Dalanews.kz Úkimettiń baspasóz qyzmetine silteme jasap.
Asan Darbaev 1984 jyly Aqmola oblysynda dúniege kelgen. Ál-Farabi atyndaǵy Qazaq ulttyq ýniversitetin, T. Rysqulov atyndaǵy Qazaq ekonomikalyq ýniversitetin, QR Prezidenti janyndaǵy Memlekettik basqarý akademiiasyn, Warwick ýniversitetin (Ulybritaniia) bitirgen.
2005 jyldan 2006 jylǵa deiin Qarjy ministrligi qurylymynda jetekshi maman bolyp jumys istedi.
2006–2009 jyldary — monopoliiaǵa qarsy qurylymdardaǵy aýmaqtyq bólimshelerde bas maman.
2009-2010 jyldary — «Básekelestik saiasatty damytý jáne qorǵaý ortalyǵy» AQ jáne «KAZENERGY munai-gaz jáne energetika kesheni uiymdarynyń qazaq qaýymdastyǵy» zańdy tulǵalar birlestiginde menedjer.
2013–2015 jyldary QR Ulttyq ekonomika ministrligi Tabiǵi monopoliialardy retteý jáne básekelestikti qorǵaý komiteti direktorynyń orynbasarynan basqarma basshysyna deiingi laýazymdy qyzmet atqardy.
2015–2019 jyldary — QR Ulttyq ekonomika ministrligi Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komiteti tóraǵasynyń orynbasary.
2019 jyldan bastap qazirgi ýaqytqa deiin – QR Ulttyq ekonomika ministrligi Tabiǵi monopoliialardy retteý komitetiniń tóraǵasy.
