Bul spektakl "Bolashaq – meniń tańdaýym" atty jobanyń aiasynda ótkizildi. Aita ketsek, atalǵan jobaǵa "Shevron" kompaniiasy qoldaý kórsetti.
"Shevron" kompaniiasy ókilderiniń aitýynsha, jastardyń durys jol tańdaýyna kómektesý, ári olardyń tulǵa retinde qalyptasýyna jol ashý kompaniianyń áleýmettik investitsiialarynyń ishindegi basty baǵyttardyń biri.
"Shevron" óziniń bilim berý baǵdarlamalary aiasynda óser urpaqtyń ómirden óz ornyn tabýyna, talantyn ashyp, qabiletin kórsetýine barynsha jaǵdai jasaidy"
– deidi kompaniia ókilderi.
Endi tikelei spektakl týraly áńgimege kóshsek.
Ideiany "Salaýatty kóshbasshylyq ýaqyty" lagerinde jazǵy demalysyn birge ótkizgen jetkinshekter oilap taýypty. Jaz boiy, qurby-qurdastary demalyp jatqanda, balalar birlesip spektakl stsenariin ázirlegen.
Buǵan "ARTiShOK" teatrynyń kásibi akteri Dmitrii Kopylov jetekshilik etip, balalarǵa teatr óneriniń qyr-syryn úiretedi.
Spektakl ne týraly?
Qoiylym Almaty mektepterinde bilim alatyn oqýshylardyń ómirin sýretteidi. Iá, mekteptiń de tirshiligi bar. Problemalary kóp. Ata-analar, ustazdar bile birmeitin...Qatarlastarynan álimjettik kórgenin oqýshynyń kópshiligi aita bermeidi. Mekteptegi synyptastarymen aradaǵy kikiljińderdi óz kúshimen sheshkisi keledi.
Mektepte úzdik atanýǵa, ujymnyń kóshbasshysy bolýǵa tyrysý, tetelestermen aradaǵy qyrǵi-qabaq munyń barlyǵy bar. Kóp aityla bermese de, kúndelikti kezdesetin jait.
– Aitalyq, jańa mektepke, jańa synypqa kelgen oqýshy alǵashqyda qysylyp júredi. Qinalyńqyraidy. Meniń mundaida berer keńesim, óz-ózińe senimdi bolý kereksiń. Basqalardyń aldynda ózińdi jaman jaǵynan emes, jaqsy jaǵynan kórsetip, bilimińdi dáleldeýge tiissiń, – deidi osy spektaklde basty rólderdiń birin somdaǵan 10-shy synyp oqýshysy Liza Zaharova.
Liza osy qoiylymdaǵy tákapparlaý, ózin basqalardyń aldynda joǵary ustaityn keiipkerdiń rólin somdaidy. Synypqa jańadan kelgen qyzdy kemsitkisi kelip, jónsiz soqtyǵysady. Bul róldi Diana Bergman esimdi oqýshy somdaǵan eken. Aitpaqshy, Diananyń ózi ómirinde tórt mektep aýystyrǵan, sodan da shyǵar mundai máseleniń bar ekenin jasyrmaidy.
– Men ózim siiaqty jii mektep aýystyratyn qurbylaryma mynadai keńes berer edim: "Árdaiym sabyr saqtańyz. Sypaiy bolyńyz. Qurbylaryńyz qoiǵan suraqqa jaýap berýge tyrysyńyz".
Qoiylymnyń stsenariii ómirden alynǵan. Jetkinshekter qoiylymdy ázirlei otyra ózderiniń bastan keshken jaǵdailaryn mysalǵa alǵan.
Sodan da shyǵar spekatl shynaiy shyǵypty.
Synyptaǵy urys-keris, qurbylarynan kórgen shetqaqpaidyń aqyry tragediiamen aiaqtalady. Jetkinshikter osy arqyly mekteptegi sabaqtan tys máselelerdi kórsetkisi kelgen ári olarǵa nazar aýdarýdyń qajettiligin aitqan.
Osylaisha "Aina" spektakli bizdiń kóńilimizden shyqty. "ArtiShok" kórermenge toly boldy. Qoiylymdy kórýge ata-analar men qatar jetkinshikter de kóptep keldi. Qoiylymnyń kóp adamnyń kókeiine oi salǵany anyq.
