Gvardeisk garnizonynyń artilleristeri "Mátibulaq" oqý-jattyǵý poligonynda jaýyngerlik atys kezindegi sheberlikterin shyńdady, – dep habarlaidy Dalanews.kz. Shtattyq qarý-jaraq pen áskeri tehnikanyń taktikalyq-tehnikalyq sipattamalaryn zerdelegen áskeri qyzmetshiler óz bólimsheleriniń quramynda is-qimyl tártibin bekitse, komandirler jaýyngerlik tapsyrmany oryndaý kezinde jeke quramdy basqarý daǵdylaryn damyta aldy. Artilleriianyń urystaǵy missiiasy – jalpy áskeri bólimshelerdi qoldaý jáne qoiylǵan jaýyngerlik mindetterdi oryndaý úshin qolaily jaǵdai jasaý. Sabaqtarda artilleriia jaýyngerleri qazirgi zamanǵy jalpy áskeri shaiqastyń negizderin is júzinde igerip, urys qimyldarynyń barlyq túrinen mashyqtanyp, óz daǵdylaryn pysyqtai aldy. – Artilleristerdiń dalalyq joryqtary – jaýyngerlik daiyndyqtyń ajyramas bóligi. Olardyń oqý synyptarynda alǵan bilimi dalada ótetin praktikalyq sabaqtarda pysyqtalady. Jaýyngerlik daiyndyqtyń kezekti kezeńi barysynda áskeri qyzmetshiler eseptoptar quramynda 152 mm "MSTA-B" gaýbitsasy men dúrkindetip atatyn "Prima" reaktivti júiesinen is júzinde oq atýdy oryndady, – dedi reaktivti artilleriialyq divizionynyń komandiri gvardiia maiory Aibek Baqytjan. Qysqy oqý kezeńi sabaqqa eń qolaily ýaqyt emes. Degenmen, jeke quram tapsyrmalardy múltiksiz oryndai aldy. Al aýa raiynyń ózgerýi men kúnniń sýytýy shynaiy urys jaǵdailaryna múmkindiginshe jaqyndatýǵa yqpal etedi. Artillerister úshin jaýyngerlik daiyndyqtyń kelesi kezeńi – vzvodtar quramynda atys mindetterin oryndaý. Ol kezde áskeri qyzmetshiler men qarýdyń sany ǵana eselenbeidi, oǵan qosa atys kezinde nysanaǵa tigizýdiń sapasy men tiimdiligi úshin jaýapkershilik deńgeii de artady.
