ارتيللەريستەر شەبەرلىكتەرىن شىڭدادى

Dalanews 25 قاڭ. 2024 04:22 1687


گۆاردەيسك گارنيزونىنىڭ ارتيللەريستەرى "ءماتىبۇلاق" وقۋ-جاتتىعۋ پوليگونىندا جاۋىنگەرلىك اتىس كەزىندەگى شەبەرلىكتەرىن شىڭدادى، – دەپ حابارلايدى Dalanews.kz. شتاتتىق قارۋ-جاراق پەن اسكەري تەحنيكانىڭ تاكتيكالىق-تەحنيكالىق سيپاتتامالارىن زەردەلەگەن اسكەري قىزمەتشىلەر ءوز بولىمشەلەرىنىڭ قۇرامىندا ءىس-قيمىل ءتارتىبىن بەكىتسە، كومانديرلەر جاۋىنگەرلىك تاپسىرمانى ورىنداۋ كەزىندە جەكە قۇرامدى باسقارۋ داعدىلارىن دامىتا الدى. ارتيللەريانىڭ ۇرىستاعى ميسسياسى – جالپى اسكەري بولىمشەلەردى قولداۋ جانە قويىلعان جاۋىنگەرلىك مىندەتتەردى ورىنداۋ ءۇشىن قولايلى جاعداي جاساۋ. ساباقتاردا ارتيللەريا جاۋىنگەرلەرى قازىرگى زامانعى جالپى اسكەري شايقاستىڭ نەگىزدەرىن ءىس جۇزىندە يگەرىپ، ۇرىس قيمىلدارىنىڭ بارلىق تۇرىنەن ماشىقتانىپ، ءوز داعدىلارىن پىسىقتاي الدى. – ارتيللەريستەردىڭ دالالىق جورىقتارى – جاۋىنگەرلىك دايىندىقتىڭ اجىراماس بولىگى. ولاردىڭ وقۋ سىنىپتارىندا العان ءبىلىمى دالادا وتەتىن پراكتيكالىق ساباقتاردا پىسىقتالادى. جاۋىنگەرلىك دايىندىقتىڭ كەزەكتى كەزەڭى بارىسىندا اسكەري قىزمەتشىلەر ەسەپتوپتار قۇرامىندا 152 مم "مستا-ب" گاۋبيساسى مەن دۇركىندەتىپ اتاتىن "پريما" رەاكتيۆتى جۇيەسىنەن ءىس جۇزىندە وق اتۋدى ورىندادى، – دەدى رەاكتيۆتى ارتيللەريالىق ديۆيزيونىنىڭ كومانديرى گۆارديا مايورى ايبەك باقىتجان. قىسقى وقۋ كەزەڭى ساباققا ەڭ قولايلى ۋاقىت ەمەس. دەگەنمەن، جەكە قۇرام تاپسىرمالاردى مۇلتىكسىز ورىنداي الدى. ال اۋا رايىنىڭ وزگەرۋى مەن كۇننىڭ سۋىتۋى شىنايى ۇرىس جاعدايلارىنا مۇمكىندىگىنشە جاقىنداتۋعا ىقپال ەتەدى. ارتيللەريستەر ءۇشىن جاۋىنگەرلىك دايىندىقتىڭ كەلەسى كەزەڭى – ۆزۆودتار قۇرامىندا اتىس مىندەتتەرىن ورىنداۋ. ول كەزدە اسكەري قىزمەتشىلەر مەن قارۋدىڭ سانى عانا ەسەلەنبەيدى، وعان قوسا اتىس كەزىندە نىساناعا تيگىزۋدىڭ ساپاسى مەن تيىمدىلىگى ءۇشىن جاۋاپكەرشىلىك دەڭگەيى دە ارتادى.  



ۇسىنىلعان
سوڭعى جاڭالىقتار