Bireýler jaqtasa, ekinshisi tártipke baǵynbaǵandyq dep baǵalaýda.
Dál osy máselege qatysty Qyzylorda oblysynyń Politsiia departamenti túsinikteme beripti.
Quqyq qorǵaý organdary Cadillac Escalade kóliginiń memlekettik nomeri standarttarǵa sai bolmaǵannan keiin politsiia qyzmetkerleri toqtatqanyn málimdedi.
[video width="1280" height="1280" mp4="https://dalanews.kz/wp-content/uploads/2022/05/WhatsApp-Video-2022-05-03-at-12.41.21.mp4"][/video]
Kólik ishinde halyq ártisi Asanáli Áshimov jarymen birge otyrǵan.
Kólikke memlekettik nómir ornyna ASANALI degen áripter kombinatsiiasy taǵylǵan. Videodan nómiri erekshe kólikti tártip saqshylary toqtatqany kórinedi. Politseiler júrgizýshiniń qasynda otyrǵan jolaýshymen qol alysyp amandasady. Sodan keiin avtokólikten Asanáli Áshimov pen onyń jary túsedi.
Qyzylorda oblysy politsiia departamenti baspasóz qyzmetiniń aqparatynsha, politseiler memlekettik nómir belgisiniń standartqa sáikes bolmaǵany úshin "Cadillac" avtokóligin toqtatqan.
"Anyqtalǵandai, avtokólik halyq ártisi, akter, rejisser Asanáli Áshimovtiń 85 jyldyq mereitoiyna arnalǵan derekti filmdi túsirý úshin paidalanylǵan", - dep málimdedi politsiia departamenti.
Eskertýden keiin avtokólikke tiisti memlekettik nómir bekitildi.
