Armenıa Syrtqy ister mınıstrliginiń baspasóz hatshysy Anı Badalán Armenıa 2024 jyly Ujymdyq qaýipsizdik sharty uıymyn (UQSHU) qarjylandyrýǵa qatyspaıtynyn málimdedi, dep habarlaıdy Dalanews.kz.
“Armenıa 2023 jylǵy 23 qarashadaǵy “UQSHU-nyń 2024 jylǵa arnalǵan búdjeti týraly” sheshimge qosylýdan jáne sol arqyly uıymnyń qyzmetin qarjylandyrýǵa qatysýdan bas tartady. Sondyqtan kelisimge qatysýshy elderdiń ortaq sharalaryn qarjylandyrýdy da doǵara turady. Sonymen birge Erevan bul sheshimniń shekteýli formatta qabyldanýyna qarsy bolmaıdy”, - dedi Badalán.
Eske salaıyq, 2024 jyldyń aqpanynda Armenıa premer-mınıstri Nıkol Pashınán Erevannyń UQSHU-ǵa qatysýyn toqtatqanyn aıtty.France 24 telearnasyna bergen suhbatynda ol Armenıaǵa qatysty ujymdyq qaýipsizdik týraly shart oryndalmaǵanyn atap ótti.
"Bizdiń oıymyzsha, Armenıaǵa qatysty ujymdyq qaýipsizdik týraly shart, ásirese, 2021-2022 jyldary oryndalmady. Bul másele bizdiń nazarymyzdan tys qalmady. Biz osy shartqa qatysýdy toqtattyq. Ary qaraı ne bolatynyn kóreıik", - dedi Pashınán suhbatynda.
