Armenıa prezıdenti Serj Sargsán 2017 jyly 2 sáýirde parlament saılaýyn ótkizý týraly qaýlyǵa qol qoıdy, saıası naýqannan bir jyldan soń Armenıa qazirgi jartylaı prezıdenttik formadan parlamenttik basqarýǵa ótedi, dep habarlady Reuters.
2015 jyly jeltoqsanda Armenıa turǵyndary prezıdenttiń bıligin shektep, úkimettiń quzyretin kúsheıtýge arnalǵan konstıtýsıalyq zań jobasyn referendým arqyly qoldady. Prezıdenttik merzim bes jyldan jeti jylǵa deıin uzarady, biraq onyń quzyreti shekteledi.
Opozısıa bul zańǵa qarsy shyǵyp, Sargsán premer-mınıstr qyzmetine aýysý arqyly bıligin saqtap qalǵysy keledi degen kúdikterin aıtty. Sargsán mundaı aıyptaýlardy joqqa shyǵaryp otyr.
Sargsán prezıdenttik qyzmette 2018 jylǵa deıin otyrady. Odan soń el parlamenttik basqarý formasyna ótip, prezıdentti parlament saılaıtyn bolady.
