ارمەنييا پرەزيدەنتٸ سەرج سارگسيان 2017 جىلى 2 سەۋٸردە پارلامەنت سايلاۋىن ٶتكٸزۋ تۋرالى قاۋلىعا قول قويدى, ساياسي ناۋقاننان بٸر جىلدان سوڭ ارمەنييا قازٸرگٸ جارتىلاي پرەزيدەنتتٸك فورمادان پارلامەنتتٸك باسقارۋعا ٶتەدٸ, دەپ حابارلادى Reuters.
2015 جىلى جەلتوقساندا ارمەنييا تۇرعىندارى پرەزيدەنتتٸڭ بيلٸگٸن شەكتەپ, ٷكٸمەتتٸڭ قۇزىرەتٸن كٷشەيتۋگە ارنالعان كونستيتۋتسييالىق زاڭ جوباسىن رەفەرەندۋم ارقىلى قولدادى. پرەزيدەنتتٸك مەرزٸم بەس جىلدان جەتٸ جىلعا دەيٸن ۇزارادى, بٸراق ونىڭ قۇزىرەتٸ شەكتەلەدٸ.
وپپوزيتسييا بۇل زاڭعا قارسى شىعىپ, سارگسيان پرەمەر-مينيستر قىزمەتٸنە اۋىسۋ ارقىلى بيلٸگٸن ساقتاپ قالعىسى كەلەدٸ دەگەن كٷدٸكتەرٸن ايتتى. سارگسيان مۇنداي ايىپتاۋلاردى جوققا شىعارىپ وتىر.
سارگسيان پرەزيدەنتتٸك قىزمەتتە 2018 جىلعا دەيٸن وتىرادى. ودان سوڭ ەل پارلامەنتتٸك باسقارۋ فورماسىنا ٶتٸپ, پرەزيدەنتتٸ پارلامەنت سايلايتىن بولادى.
