Armeniia premer-ministri Nikol Pashinian eldiń Eýraziialyq ekonomikalyq odaqtaǵy (EAEO) qyzmetin jalǵastyratynyn málimdedi, dep habarlaidy dalanews.kz.
Pashiniannyń sózinshe, mundai sheshim qabyldanatyn bolsa, sońǵy sózdi Armeniia halqy referendým arqyly aitýy tiis.
"Biz EAEO aiasynda jumys istep jatyrmyz jáne Eýropalyq odaq pen EAEO arasynda tańdaý jasaý qajettiligi týyndaǵanǵa deiin osy baǵyttaǵy jumysty jalǵastyra beremiz. Mundai mańyzdy sheshimdi Armeniia azamattary referendým arqyly qabyldaidy", – dedi premer-ministr.
Sondai-aq ol Armeniia Eýroodaqqa múshelikke resmi ótinish bermeiinshe nemese kandidat mártebesin alý kezeńine jaqyndamaiynsha, bul másele boiynsha jalpyhalyqtyq daýys berý ótkizýdiń qajeti joq ekenin aitty.
Premer-ministrdiń pikirinshe, qazirgi jaǵdaida EAEO sheńberindegi yntymaqtastyqty jalǵastyrý mańyzdy.
"Biz EAEO aiasyndaǵy jumysymyzdy eshqandai qaishylyqsyz jalǵastyryp kelemiz. Bul baǵytta áli de paidalanylmaǵan múmkindikter bar. Aldaǵy ýaqytta sol áleýetti tiimdi iske asyra alamyz dep senemin", – dedi Nikol Pashinian.
