Arystyq kásipker ketchýp pen tomat sýsyndaryn shyǵarmaq
Jańa indýstriialandyrýdy órkendetý boiynsha atqarylǵan jumystardy baiandaǵan ákim 2015-2017 jyldarǵa arnalǵan Arys qalasy boiynsha indýstrialandyrý baǵdarlamasy aiasynda 5 joba maquldanǵanyn jetkizdi.
Iaǵni osy jyldar ishinde jalpy quny 51,6 mlrd. teńge bolatyn 4 joba iske qosylyp, 133 jańa jumys orny qurylǵan. Sonymen qosa, biylǵy jyly qalada quny 376 mln. teńgeni quraityn gazabeton bloktaryn shyǵaratyn kishi zaýyttyń qurylysy júrgizilýde. Joba iske qosylǵanda jańa 30 jumys orny ashylatyn bolady.
«Al 2017-2019 jyldarǵa arnalǵan indýstrialandyrý kartasy sheńberinde 3 jobany iske asyrý josparlanýda. Olar «Qostúiin» jaýapkershiligi shekteýli seriktestiginiń qurama jem shyǵaratyn kishi zaýyt qurylysy. Jalpy quny 132 mln. teńge. Ekinshi joba jalpy quny 40 mln. teńge bolatyn túie sútin (shubat) plastikalyq ydysqa quiatyn tsehy. Al úshinshi «Jańa Aqdala» JShS-niń qosymsha tomat kontsentratynan daiyn ónimder, ketchýp, tomat sýsyndaryn shyǵaratyn tsehty iske qosý josparlanýda. Bul jobanyń jalpy quny 70 mln. teńge. Osynyń nátijesinde 70 jańa jumys orny ashylatyn bolady», − dedi ákim.
Aita keteiik, Aqdala aýyldyq okrýginde ornalasqan «Agrofirma «Jańa Aqdala» jaýapkershiligi shekteýli seriktestigi 2016 jyly tamshylatyp sýǵarý ádisimen 300 ga jerge qyzanaq egip, 9 myń tonna qyzanaq alǵan. Jinalǵan ónimnen 975 tonna kontsentrat tomat pastasy shyǵaryldy.
OQO ákiminiń baspasóz qyzmeti
