ارىستىق كەسٸپكەر كەتچۋپ پەن تومات سۋسىندارىن شىعارماق
جاڭا يندۋسترييالاندىرۋدى ٶركەندەتۋ بويىنشا اتقارىلعان جۇمىستاردى بايانداعان ەكٸم 2015-2017 جىلدارعا ارنالعان ارىس قالاسى بويىنشا يندۋستريالاندىرۋ باعدارلاماسى اياسىندا 5 جوبا ماقۇلدانعانىن جەتكٸزدٸ.
ياعني وسى جىلدار ٸشٸندە جالپى قۇنى 51,6 ملرد. تەڭگە بولاتىن 4 جوبا ٸسكە قوسىلىپ, 133 جاڭا جۇمىس ورنى قۇرىلعان. سونىمەن قوسا, بيىلعى جىلى قالادا قۇنى 376 ملن. تەڭگەنٸ قۇرايتىن گازابەتون بلوكتارىن شىعاراتىن كٸشٸ زاۋىتتىڭ قۇرىلىسى جٷرگٸزٸلۋدە. جوبا ٸسكە قوسىلعاندا جاڭا 30 جۇمىس ورنى اشىلاتىن بولادى.
«ال 2017-2019 جىلدارعا ارنالعان يندۋستريالاندىرۋ كارتاسى شەڭبەرٸندە 3 جوبانى ٸسكە اسىرۋ جوسپارلانۋدا. ولار «قوستٷيٸن» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ قۇراما جەم شىعاراتىن كٸشٸ زاۋىت قۇرىلىسى. جالپى قۇنى 132 ملن. تەڭگە. ەكٸنشٸ جوبا جالپى قۇنى 40 ملن. تەڭگە بولاتىن تٷيە سٷتٸن (شۇبات) پلاستيكالىق ىدىسقا قۇياتىن تسەحى. ال ٷشٸنشٸ «جاڭا اقدالا» جشس-نٸڭ قوسىمشا تومات كونتسەنتراتىنان دايىن ٶنٸمدەر, كەتچۋپ, تومات سۋسىندارىن شىعاراتىن تسەحتى ٸسكە قوسۋ جوسپارلانۋدا. بۇل جوبانىڭ جالپى قۇنى 70 ملن. تەڭگە. وسىنىڭ نەتيجەسٸندە 70 جاڭا جۇمىس ورنى اشىلاتىن بولادى», − دەدٸ ەكٸم.
ايتا كەتەيٸك, اقدالا اۋىلدىق وكرۋگٸندە ورنالاسقان «اگروفيرما «جاڭا اقدالا» جاۋاپكەرشٸلٸگٸ شەكتەۋلٸ سەرٸكتەستٸگٸ 2016 جىلى تامشىلاتىپ سۋعارۋ ەدٸسٸمەن 300 گا جەرگە قىزاناق ەگٸپ, 9 مىڭ توننا قىزاناق العان. جينالعان ٶنٸمنەن 975 توننا كونتسەنترات تومات پاستاسى شىعارىلدى.
وقو ەكٸمٸنٸڭ باسپاسٶز قىزمەتٸ
