Arys qalasyndaǵy 646 otbasy «Órleý» jobasy aıasynda memleket qoldaýyna ıe bolyp, paıdasyn kórýde. Olar osy joba arqasynda jeke is ashyp, ózderiniń shaǵyn kásipterin órletýde. Osylardyń biri kópbalaly ana – Orazkúl Aqjigitova. Ol otaǵasymen birge ótken jyly memleketten 265 332 teńge kóleminde shartty aqshalaı kómek alyp, plasıkten esik, tereze jasaıtyn qural-jabdyq satyp alyp, kásibin ashty.



Otaǵasymen atalǵan qarjyny tıimdi jumsaǵandyqtan osy jyldyń sáýir aıynda taǵy da osy baǵdarlamamen 265 332 teńge taǵaıyndaldy. Olar osylaısha, isterin keńeıtip, órleýdiń órkendeýine kóz jetkizip otyr.

«Órleý» baǵdaralamasynyń sharttaryn durys oryndaǵan arystyq Qashqynbekova Zada da osy jyly jalpy kólemi 600 myń teńgeden astam kómek alyp, tigin mashınasyn alyp qol ónermen aınalysýda. Shaǵyn tigin sehynda kórpe, kórpeshe, qyz jasaýy syndy qolóner buıymdaryn tigýde.

Jalpy Arys qalasynda osy jyldyń 9 aıynda atalǵan jobaǵa 661 otbasy, ıaǵnı 3668 adam qatysty. Olarǵa otbasyna shaqqandaǵy tabysy azyq-túlik sebetiniń qunynyń aıyrmasy tólenedi. Búginde 646 otbasyna respýblıkalyq búdjetten 113 mln. 449 myń 700 teńge, al jergilikti búdjetten 90 mln 468 myń 700 teńge shartty aqshalaı kómek  taǵaıyndaldy. «Órleý» jobasy boıynsha 90 adam áleýmettik jumysqa,  20 adam qoǵamdyq jumysqa, al eki adam jastar praktıkasyna, 11 adam qaıta daıarlaý kýrsyna, 563 adam turaqty jumysqa ornalasqan.

OQO ákiminiń baspasóz qyzmeti