Aitýly sharaǵa qala ákimi Gúljan Qurmanbekova, ziialy qaýym ókilderi jáne qairatkerdiń inisi Diiar Qonaev qatysty.
Jiynda qala ákimi atpal azamattyń Arys qalasyna sińirgen eńbegine toqtaldy.
– Qazaq KSR Joǵarǵy Keńesiniń 1956 jylǵy 31 shildedegi Jarlyǵymen Arys - qala mártebesine ie bolǵany belgili. Minekei, týra 65 jyl buryn osy Jarlyqtyń kúshine enýine Dinmuhamed Ahmetuly airyqsha yqpal etkeni aqiqat. Biz búgin el igiligi úshin eren eńbek etken erlerdiń esimin ulyqtap, keiingi urpaqqa úlgi etý maqsatynda osyndai saltanatty sharada bas qosyp turmyz. Bul biz úshin zor mártebe, – dedi Gúljan Mamytqyzy.
Aita keteiik, ult maqtanyshynyń beinesi aishyqtalǵan músindi Arys qalasynyń týmasy, Sýretshiler odaǵynyń múshesi Tileýberdi Binashev syiǵa tartty.
