Paıǵambarymyz Muhammed (s.a.s)-ǵa bir kisi suraq qoıypty.  O Allanyń elshisi Allanyń aldynda eń súıikti adam kim dep? Paıǵambarymyz Muhammed (s.a.s) «Allanyń aldynda eń súıikti adam adamdarǵa paıdasyn tıgizgen adam» dep jaýap beripti. Álgi kisi ekinshi suraq qoıypty. Allanyń aldynda eń súıikti amal qaısy amal?-dep. Paıǵambarymyz Muhammed (s.a.s) muqtajdardyń kóńiline qýanysh syılaý dep jaýap bergen eken.

Adamǵa jaqsylyq jasaý, qaıyrymdylyq kórsetý-halqymyzdyń maqtan eter dástúrleriniń biri. Bul dástúr ata-babamyzdan jalǵasyp kele jatqan ıgi is.

Osy oraıda, búgin ortalyq «Ysqaq» meshittiń uıymdastyrýymen jáne jany jomart azamattardyń qoldaýymen Ramazan aıynda kelgen «Qadir túni» merekesine oraı áleýmettik jaǵdaıy tómen 150-den asa otbasylarǵa demeýshiler tarapynan azyq-túlik ónimderi úlestirildi.

Jaqsy iske janashyr izgi nıetti, aq tileýli el aǵalary áleýmettik jaǵdaıy tómen muqtaj jandarǵa turmysqa qajetti zattardy molynan taratty.

Sharany uı­ym­das­­tyrýshylar osynaý ıgi is­tiń aldaǵy ýa­qytta da jalǵasa be­retinin jetkizdi.