Arys qalasynda memlekettik qyzmetshiler kúni atalyp ótti
Atalǵan sharaǵa qala ákimi M.Qadyrbek, ákim orynbasarlary men aýyldyq okrýgterdiń ákimderi, bólim basshylary men memlekettik mekeme basshylary men qyzmetkerleri qatysty.
«Memlekettik qyzmet el igiligi jolyndaǵy jaýapty da, abyroily mindet. Halyqtyń senimin aqtap, týǵan eliń úshin qyzmet etý asqan jaýapkershilikti talap etedi. Qalamyzdyń turaqty damýy men kemeldenýi jolynda atqaryp kele jatqan qyzmetterińiz úshin alǵysymdy bildiremin» - dep shahar basshysy Murat Bolatuly quttyqtaý sóz sóilep, qalanyń áleýmettik, ekonomikalyq damýyna úles qosyp júrgen birqatar memlekettik qyzmetshilerdi Alǵys hattar jáne baǵaly syilyqtarmen marapattady.
Mereke qalalyq mádeniet úii óner ujymynyń kontserttik baǵdarlamasyna ulasty.
