Túrkistan qalasynda abattandyrý jumystaryn júrgizý maqsatynda, oblys ákiminiń tapsyrmasymen qala aýmaǵy 16 sektorǵa bólinip, «Iassy» móltek aýdanyndaǵy 8-shi sektordy damytý – oblystyq Jolaýshylar kóligi jáne avtomobıl joldary basqarmasyna, Tólebı aýdanynyń ákimdigine jáne Túrkistan qalasynyń jolaýshylar kóligi jáne avtokólik joldary bólimine júktelgen bolatyn.

Birlese atqarylǵan jumystardyń nátıjesinde qazirgi ýaqytta, 8-shi sektor aýmaǵynda ornalasqan R.Esetov atyndaǵy №20 mekteptiń aldyndaǵy I.Musaqulov kóshesi tolyq asfálttalyp, kóshe boıyna oqýshylar júretin aıaq jol jabyny (brýschatka) tóseldi. Sondaı-aq, jol jıegine jaryq shamdary ornatyldy.

Atqarylǵan ıgi iske óńir turǵyndary men balǵyndary dán rıza. Kez kelgen el óziniń keleshegin óskeleń urpaǵymen baılanystyrady. Elimizdiń bolashaǵy jastardyń qolynda. Sondyqtan jas urpaqqa barlyq jaǵdaıdy jasaı berýimiz qajet.

Aldaǵy ýaqytta 8-shi sektordy damytý baǵytyndaǵy jumystar jalǵasyn tabatyn bolady.

 

Túrkistan oblysy Óńirlik komýnıkasıalar qyzmeti