Belgili sarapshy Shynar Qurmanǵali Qazaqstanda biznes jasaý nege qiyn ekenin túsindirip berdi, dep habarlaidy Dalanews.kz.
Sarapshynyń sózinshe, elde jalǵa alý quny óte qymbat. Ásirese, saýda ortalyqtarynda (TRTs) kásip bastaý ońai emes.
Baǵalar:
Kádimgi saýda ortalyǵynda 1 m² 15 000 – 20 000 teńge.
Han Shatyr men Mega- da 1 m² – 100$ (45 000 teńge). Oǵan qosa, 2-3 ailyq depozit tóleý kerek.
Mysaly, Mega Silk Way- dan 100 m² býtik alsańyz:
15 mln teńge – depozit.
5 mln teńge – ai saiynǵy arenda.
Barlyǵy 20 mln teńge – tek kirip alý úshin.
Al budan bólek:
Jóndeý jumystary – 10 mln teńge.
Jihaz – 8-9 mln teńge.
Taýar kirgizý – 20-30 mln teńge.
"Endi esepteńiz, kishigirim dúken ashý úshin 50-60 mln teńge kerek. Al onyń qai ýaqytta óteletini qudai biledi. Ótelmeýi de múmkin. Kóp saýda ortalyǵyna jalǵa alýshylardy uzaq ustap qalýǵa múddeli emes. Sebebi olar úshin kóbirek adam kirip, kóbirek depozit tólegeni tiimdi. Bireý kirdi – 2-3 ailyq depozitin tóleidi, birazdan soń ketedi, ornyna jańa adam keledi – taǵy depozit. Osylai aýadan aqsha jasap otyrady", deidi sarapshy.
Budan bólek:
Tabystan paiyz alady – mysaly, “Mega” qosymsha tabysyńnan úles suraidy. Marketing dep m² úshin 1000 teńgeden taǵy qosady. Kommýnaldyq qyzmet, basqa da tólemderdi ústinen japsyra beredi.
Jergilikti kásipkerler qinalady, al sheteldikterge jeńildik jasalady
Al endi qyzyǵy – Zara, Waikiki siiaqty brendterge arzan baǵamen beredi. Olardy jalynyp shaqyrady. Olarǵa 1 m² 5000 teńgeden, al ózimizdiń kásipkerlerge 15 000 – 45 000 teńge.
Osydan keiin qalai ádildik bar dei alamyz? Bizdiń elde kásip bastaý qiyn emes, ony júrgizý qiyn. Kásipkerlerge qoldaý joq, kerisinshe, barynsha qinap, múmkindigin shektep tastaǵan.
"Al jalǵa berýshiler oilaryna kelgen baǵany qoiady. Olar eshkimge baǵynbaidy", deidi sarapshy.
