Májilis depýtaty Ardaq Nazarov Adal ADAM youtube arnasyna bergen suhbatynda "Áliia Nazarbaevanyń oqqaǵary" degen qaýesetke núkte qoidy, - dep habarlaidy Dalanews.kz.
"2004 jyly Reseidiń Habarovsk qalasynda álem kýbogynda tóbelestim. Sol kezde orystardyń internetke jazǵan pikirin oqyp, ózim tańǵaldym. "Ol Nazarbaevtyń qyzynyń oqqaǵary bolyp jumys isteidi" depti.
Biraq naqty qai qyzy ekenin aitpaǵan, aty atalmaǵan. Ózim tańǵalyp qaldym, shynymen. Prezidenttiń januiasynyń oqqaǵary bolý úshin SOP-ta (Prezidenttiń kúzet qyzmeti) jumys isteýim kerek. Oǵan jumysqa kirý úshin meniń boiym 180 sm-den joǵary bolý kerek. Meniń boiym – 170 sm, salmaǵym 72 keli ol kezde. SOP túgili, meni desantqa DShB-ǵa almai qoiǵan ǵoi.
Áliianyń oqqaǵary degen aqylǵa syimaidy. Boiym da kelmeidi, denem de kelmeidi. Ondai mamandyǵym da joq. Biraq áli kúnge deiin qaýeset retinde aitylyp keldi. Sonyń núktesin qoiatyn bolsaq, túbegeili joqqa shyǵaram. Ol kisini kórmegem de, bilmeimin de. Biraq prezidenttiń 3 qyzy bar ekenin, attary qandai ekenin bilemiz", - dedi Ardaq Nazarov.
