Árbir adam mańyzdy: Almatyda jastarǵa arnalǵan inkliýzivti kommýnikatsiia seminary ótti
Almaty qalasynda jastar Komiýniti ortalyqtarynyń jetekshileri men úilestirýshilerine arnalǵan oqytý seminary uiymdastyryldy. Atalǵan shara «Árbir adam mańyzdy» jobasynyń aiasynda ótti jáne onyń basty maqsaty — múmkindigi shekteýli jastarmen tiimdi, qurmetke negizdelgen ári qoljetimdi qarym-qatynas ornatý joldaryn úiretý boldy.
Seminar barysynda qatysýshylar jastarmen inkliýzivti tildesý mádenietin qalyptastyrý, olardy qoǵam ómirine tartý, sondai-aq ashyq ári qaýipsiz dialog qurýǵa arnalǵan tásildermen tanysty. Oqytý barysynda qabyldaý erekshelikteri, kommýnikatsiialyq kedergiler jáne olardy eńserý joldary boiynsha teoriialyq ári praktikalyq málimetter usynyldy.
Uiymdastyrýshylardyń aitýynsha, bul seminar — inkliýzivti qoǵam qalyptastyrý jolyndaǵy naqty qadam. «Qatysýshylar múmkindigi shekteýli jastardyń qabyldaý erekshelikterin, qarym-qatynastaǵy tosqaýyldardy tereńirek túsinip, naqty jaǵdailarda qoldanýǵa bolatyn quraldarmen tanysty. Bul bilimder olardyń kúndelikti jumysyna oń áser etedi dep senemiz», — dedi joba úilestirýshileri.
«Árbir adam mańyzdy» jobasy — árbir jas óz qundylyǵyn sezinip, oiyn erkin jetkize alatyn, tyńdalýǵa múmkindigi bar ortany qalyptastyrýǵa baǵyttalǵan bastama. Joba aiasynda inkliýzivti baǵyttaǵy túrli seminarlar, treningter men qoǵamdyq is-sharalar uiymdastyrylyp keledi. Bul – jastar arasynda teń múmkindikterdi ilgeriletýge jáne ár adamnyń únin estýge baǵyttalǵan mańyzdy qadam.
Joba qatysýshylary da seminardan mol áser alǵandaryn aityp, alǵan bilimderi men tájiribelerin aldaǵy ýaqytta jastarmen jumys isteý barysynda paidalanýǵa daiyn ekendikterin jetkizdi.
Aita keteiik, mundai oqytý seminarlary elimizdiń basqa óńirlerinde de uiymdastyrylyp, jastar saiasatynda inkliýzivtilik qaǵidattaryn ilgeriletýge serpin bermek.
