Shymkent elimizdegi iri qalalardyń biri ekenin aitqan aimaq basshysy damyǵan qalalardyń barlyǵynda halyq demalatyn oryndardyń kóptep ornalasýy zańdylyq ekenin atap ótti. Sonymen qatar qalany kórkeitýdiń negizgi jumystaryna toqtalyp, atqarylyp otyrǵan jumystardyń barlyǵy qala jurtshylyǵynyń igiligi úshin jasalyp jatqanyn aitty.
– Búgin Halyqaralyq otbasy kúni. Osyndai kúni otbasylyq demalys orny - Shymkenttiń alǵashqy Arbatyn halyqtyń igiligine berip otyrmyz. 1 shaqyrymǵa deiin sozylǵan Arbat qurylysyn eki aidyń ishinde aiaqtaǵan qala ákimdiginiń jaýapty basshylaryna alǵysymdy bildiremin. Endi bul jer qalamyzdyń eń tartymdy demalys orny bolady dep oilaimyn. Mundai igi qadam qala turǵyndarynyń jáne jas urpaqtyń týǵan jerge degen súiispenshiligin qalyptastyrýda áseri mol ekenin airyqsha atap ótkim keledi. Mundai demalys orny aldaǵy ýaqytta qaladaǵy A.Asqarov pen Beibitshilik kóshesin de oryn teppek. Jyl sońyna deiin jańaryp, jandanatyn ol nysandardy da birge tamashalaityn bolamyz, – dedi J.Túimebaev.
Shymkenttik Arbattyń uzyndyǵy bir shaqyrym shamasynda. Bul jerge jańa shamdar ilinip, oryndyqtar qoiyldy, landshaft dizainy kóz tartady. Qalanyń jasyl jelegine jańa reń qosqan arbat ádemi gúldermen kómkerilip, jaryq shashatyn shamdarmen bezendirilgen. Yńǵaily demalys aimaǵynda sonymen birge velosiped jolaǵy da qarastyrylǵan. Mundaǵy 3600 sharshy metr aýmaq kógaldandyrylyp, 2000 sharshy metr jerdi aiaq joldar alyp jatyr. Budan bólek, ol jerge 700-ge jýyq jóke, talshyn, aqqaiyń syndy aǵash túrleri men 1000 túp raýshan gúli egildi. Túngi arbatty jaryq etýge 76 kóshe shamdary men 45 kishi torsherler qoiyldy.
Qazirgi tańda mamandar arbattyń erekshe kelbetin asha túsetin arkany qurý jumysyn aiaqtaýda. Jýyq arada Beket batyr kóshesiniń bul bóligi naǵyz shyǵarmashylyq adamdarynyń ortalyǵyna ainalmaq. Sebebi bul aýmaqqa Sýretshiler úiin salý josparlanýda.
Osy kúni oblys ákimi J.Túimebaev oblystyq jáne qalalyq máslihattyń depýtatttaryna «Eski qalany jańǵyrtý» jobasy aiasynda atqarylyp jatqan jumystardy tanystyrdy. Onda ákim «Qoshqar-ata» ózeni jaǵalaýynyń eninen 10 metr, uzyndyǵy 1200 metr jer halyq qydyrystaityn demalys ornyna ainalatynyn atap ótti.
Búginde atalǵan joba aiasynda Ordabasy alańynan Ózbek kóshesine deiingi ózen boiymen júrip ótetin 300 metrden astam aiaq jol kógaldandyrylyp, abattandyrý jumystary júrgizildi.
Sonymen qatar halyq qalaýlylaryna Qoshqar ata ózeniniń jaǵalaýynda boi kóteretin «Qoshqar ata» turǵyn úi kesheniniń maketi tanystyryldy. Jańadan salynatyn turǵyn úi kesheniniń qurylysy úsh kezeńnen júrgiziledi. Joba tolyǵymen júzege assa, 208 myń sharshy metrdi quraityn, 3976 páterli 61 kóp qabatty turǵyn úi el igiligine tapsyrylatyn bolady.
OQO ákiminiń baspasóz qyzmeti
https://dalanews.kz/35822
