Burynǵy oqý-aǵartý ministri ári eks-depýtat Ashat Aimaǵambetov óz atynan jalǵan paraqsha ashatyndar kóp ekenin aityp, halyqty saq bolýǵa shaqyrdy, dep habarlaidy dalanews.kz.
Ol dál bir jyl buryn óziniń atynan ashylǵan jalǵan akkaýnttar men taratylǵan jalǵan aqparat týraly jazǵanyn eske saldy.
"Ókinishke qarai, mundai áreketter áli de toqtaǵan joq. WhatsApp, TikTok, YouTube jáne basqa platformalarda jalǵan paraqshalar ashylyp, shyndyqqa sáikes kelmeitin, arandatýshylyq sipattaǵy túrli aqparat jariialanyp jatyr. Sondyqtan kúmándi paraqshalarǵa, belgisiz habarlamalarǵa jáne tekserilmegen aqparatqa senbeýlerińizdi suraimyn. Barlyq resmi aqparat tek meniń rastalǵan paraqshalarymda jariialanady", - dedi ol.
Ashat Aimaǵambetov osyndai jalǵan aqparatty ádeii taratý deregi boiynsha zańnamada belgilengen tártippen tiisti jumys júrgiziletinin málimdedi.
"Aqparattyq keńistikte dáldik pen jaýapkershilik burynǵydan da mańyzdy. Saq bolaiyq", - dep eskertti eks-depýtat.
