Tanymal saiasatker, Májilis depýtaty Ermurat Bapi beldi saiasatker Ámirjan Qosanovpen araqatynasy týraly aitty, - dep habarlaidy Dalanews.kz.
Bapi Qosanovpen arada alshaqtyq baryn jasyrmady. Saiasatker buǵan ne sebep bolǵanynyń da shetin shyǵardy.
"Ámirjan Qosanovtyń taqyryby maǵan ǵana emes, qoǵamǵa da aýyr taqyryp qoi. 2019 jylǵy sailaýdan keiin Ámirjan Qosanovtyń fenomeni paida boldy ǵoi. Ol - bilikti, saqa saiasatker. Sailaýdaǵy jaǵdaidyń bári belgili. Onyń bárin qaitadan qopsytyp, byqsytyp aityp otyratyndai emes. Degenmen sodan keiin kishkene aramyz alshaqtap ketti.
Jańa Qazaqstan ideiasy Prezident Toqaevtyń bastamasy emes, 2019 jyly sailaýǵa kelgen kezde Jańa Qazaqstan dep kelgenbiz. Jańa Qazaqstan platformasyn qurdyq. Jańa Qazaqstannyń ókili Ámirjan boldy. Biraq keiinnen osyndai jaǵdailar boldy. Sailaýǵa qatysqan azamattar artynan bizdi jazǵyryp shyqty", - dedi depýtat "4VLASTINFO" arnasyna.
Degenmen Bapi men Qosanovtyń arasynda týystyq qarym-qatynas bar bolyp shyqty.
"Toi-tomalaq, qazaly jerlerde jolyǵamyz ǵoi. Bir-birimizge qas dushpandyǵymyz joq. 2019 jyly men JSDP partiiasynyń tóraǵasy boldym. Saiasi jaǵdailarǵa bailanysty ol partiiany sailaýdan ótpei qalǵan azamatpen aralastyrýǵa, jaqyndastyrýǵa bolmaityn boldy. Saiasat degen ózi sasyq deidi ǵoi. Sondai jaǵdailar bolyp turady. Sol kezden bastap aramyz alshaqtaǵany shyn.
Nemereles bajamyz. Qyzdar (áielderi - esk.) aralasyp, habarlasyp, bir-birine baryp turady. Al óz tarapymyzdan árqaisynyń saiasi sheshimine, saiasi tańdaýyna bailanysty baǵyt-baǵdarymyz ózgeshe bolyp ketkeni shyn", - dedi ol suhbatynda.
Aita keteiik, 2019 jyly "Ult taǵdyry" qozǵalysy atynan sailaýǵa túsken Ámirjan Qosanovqa sailaýshylardyń 16,2 paiyzy nemese 1,4 million adam daýys bergen edi. Keiin sailaýda jeńiske jetken Toqaevty quttyqtaǵan Qosanovtyń áreketi kópshilikke jaqpai qaldy.
