تانىمال ساياساتكەر, مەجٸلٸس دەپۋتاتى ەرمۇرات باپي بەلدٸ ساياساتكەر ەمٸرجان قوسانوۆپەن اراقاتىناسى تۋرالى ايتتى, - دەپ حابارلايدى Dalanews.kz.
باپي قوسانوۆپەن ارادا الشاقتىق بارىن جاسىرمادى. ساياساتكەر بۇعان نە سەبەپ بولعانىنىڭ دا شەتٸن شىعاردى.
"ەمٸرجان قوسانوۆتىڭ تاقىرىبى ماعان عانا ەمەس, قوعامعا دا اۋىر تاقىرىپ قوي. 2019 جىلعى سايلاۋدان كەيٸن ەمٸرجان قوسانوۆتىڭ فەنومەنٸ پايدا بولدى عوي. ول - بٸلٸكتٸ, ساقا ساياساتكەر. سايلاۋداعى جاعدايدىڭ بەرٸ بەلگٸلٸ. ونىڭ بەرٸن قايتادان قوپسىتىپ, بىقسىتىپ ايتىپ وتىراتىنداي ەمەس. دەگەنمەن سودان كەيٸن كٸشكەنە ارامىز الشاقتاپ كەتتٸ.
جاڭا قازاقستان يدەياسى پرەزيدەنت توقاەۆتىڭ باستاماسى ەمەس, 2019 جىلى سايلاۋعا كەلگەن كەزدە جاڭا قازاقستان دەپ كەلگەنبٸز. جاڭا قازاقستان پلاتفورماسىن قۇردىق. جاڭا قازاقستاننىڭ ٶكٸلٸ ەمٸرجان بولدى. بٸراق كەيٸننەن وسىنداي جاعدايلار بولدى. سايلاۋعا قاتىسقان ازاماتتار ارتىنان بٸزدٸ جازعىرىپ شىقتى", - دەدٸ دەپۋتات "4VLASTINFO" ارناسىنا.
دەگەنمەن باپي مەن قوسانوۆتىڭ اراسىندا تۋىستىق قارىم-قاتىناس بار بولىپ شىقتى.
"توي-تومالاق, قازالى جەرلەردە جولىعامىز عوي. بٸر-بٸرٸمٸزگە قاس دۇشپاندىعىمىز جوق. 2019 جىلى مەن جسدپ پارتيياسىنىڭ تٶراعاسى بولدىم. ساياسي جاعدايلارعا بايلانىستى ول پارتييانى سايلاۋدان ٶتپەي قالعان ازاماتپەن ارالاستىرۋعا, جاقىنداستىرۋعا بولمايتىن بولدى. ساياسات دەگەن ٶزٸ ساسىق دەيدٸ عوي. سونداي جاعدايلار بولىپ تۇرادى. سول كەزدەن باستاپ ارامىز الشاقتاعانى شىن.
نەمەرەلەس باجامىز. قىزدار (ەيەلدەرٸ - ەسك.) ارالاسىپ, حابارلاسىپ, بٸر-بٸرٸنە بارىپ تۇرادى. ال ٶز تاراپىمىزدان ەرقايسىنىڭ ساياسي شەشٸمٸنە, ساياسي تاڭداۋىنا بايلانىستى باعىت-باعدارىمىز ٶزگەشە بولىپ كەتكەنٸ شىن", - دەدٸ ول سۇحباتىندا.
ايتا كەتەيٸك, 2019 جىلى "ۇلت تاعدىرى" قوزعالىسى اتىنان سايلاۋعا تٷسكەن ەمٸرجان قوسانوۆقا سايلاۋشىلاردىڭ 16,2 پايىزى نەمەسە 1,4 ميلليون ادام داۋىس بەرگەن ەدٸ. كەيٸن سايلاۋدا جەڭٸسكە جەتكەن توقاەۆتى قۇتتىقتاعان قوسانوۆتىڭ ەرەكەتٸ كٶپشٸلٸككە جاقپاي قالدى.
