Aral teńizi tolyp keledi. Keiingi derek boiynsha kishi Aralda sý kólemi artyp, 23 milliard tekshe metrge jetken, dep habarlaidy Dalanews.kz "Almaty" telearnasyna siltep.
"Aqlaq sý" tospasy arqyly teńizge sekýndyna 50 tekshe metr sý jiberilip jatyr. Al "Kókaral" bógetin nyǵaitý jumystary jyl sońyna deiin aiaqtalmaq. Sondai-aq, bógetti biiktetý jáne soltústik Araldy saqtaý jobasynyń ekinshi kezeńi júzege asady. Bul jańalyq teńiz tóskeiindegi halyqty da qýantyp otyr.
"Bógen eldimekeninde 200-dei otbasy turamyz. Ár úi basyna balyqshy bar desek ótirik bolmaidy. Sol 200 úidiń qazany osy teńizden qainap otyr desek artyq aitpaǵan bolamyn. Teńiz tolady dep úmittenemiz", - dedi Bógen aýylynyń turǵyny Tórehan Diljanov
Araldan jylyna 8 myń tonna balyq aýlanady. Mamandar bul kishi Aral teńizin saqtap qalý úshin jyldar boiy atqarylǵan sharýalardyń jemisi ekenin aitty.
"Ortalyq Aziia memleketiniń prezidentteri kezdesti. Sol kezdesýde Ózbekstan, Tájikstan, Qyrǵyzstan jáne Qazaqstan kelisimshartqa qol qoiǵanda, túsetin sýdyń kólemine qarai ár memleketke teń bólinetini jóninde kelisildi. Qazir biz alatyn shegimizdi tolyq alyp turmyz", - dedi "Qyzylordasýshar" óndiristik ýchaskesiniń basshysy Jorabek Nurymbetov.
