ارال تەڭٸزٸ تولىپ كەلەدٸ. كەيٸنگٸ دەرەك بويىنشا كٸشٸ ارالدا سۋ كٶلەمٸ ارتىپ, 23 ميلليارد تەكشە مەترگە جەتكەن, دەپ حابارلايدى Dalanews.kz "الماتى" تەلەارناسىنا سٸلتەپ.
"اقلاق سۋ" توسپاسى ارقىلى تەڭٸزگە سەكۋندىنا 50 تەكشە مەتر سۋ جٸبەرٸلٸپ جاتىر. ال "كٶكارال" بٶگەتٸن نىعايتۋ جۇمىستارى جىل سوڭىنا دەيٸن اياقتالماق. سونداي-اق, بٶگەتتٸ بيٸكتەتۋ جەنە سولتٷستٸك ارالدى ساقتاۋ جوباسىنىڭ ەكٸنشٸ كەزەڭٸ جٷزەگە اسادى. بۇل جاڭالىق تەڭٸز تٶسكەيٸندەگٸ حالىقتى دا قۋانتىپ وتىر.
"بٶگەن ەلدٸمەكەنٸندە 200-دەي وتباسى تۇرامىز. ەر ٷي باسىنا بالىقشى بار دەسەك ٶتٸرٸك بولمايدى. سول 200 ٷيدٸڭ قازانى وسى تەڭٸزدەن قايناپ وتىر دەسەك ارتىق ايتپاعان بولامىن. تەڭٸز تولادى دەپ ٷمٸتتەنەمٸز", - دەدٸ بٶگەن اۋىلىنىڭ تۇرعىنى تٶرەحان دٸلجانوۆ
ارالدان جىلىنا 8 مىڭ توننا بالىق اۋلانادى. ماماندار بۇل كٸشٸ ارال تەڭٸزٸن ساقتاپ قالۋ ٷشٸن جىلدار بويى اتقارىلعان شارۋالاردىڭ جەمٸسٸ ەكەنٸن ايتتى.
"ورتالىق ازييا مەملەكەتٸنٸڭ پرەزيدەنتتەرٸ كەزدەستٸ. سول كەزدەسۋدە ٶزبەكستان, تەجٸكستان, قىرعىزستان جەنە قازاقستان كەلٸسٸمشارتقا قول قويعاندا, تٷسەتٸن سۋدىڭ كٶلەمٸنە قاراي ەر مەملەكەتكە تەڭ بٶلٸنەتٸنٸ جٶنٸندە كەلٸسٸلدٸ. قازٸر بٸز الاتىن شەگٸمٸزدٸ تولىق الىپ تۇرمىز", - دەدٸ "قىزىلورداسۋشار" ٶندٸرٸستٸك ۋچاسكەسٸنٸڭ باسشىسى جورابەك نۇرىمبەتوۆ.
