Búgin Aral qalasyndaǵy "Rýhaniiat ortalyǵynyń" ashylý rásimi ótti. Oǵan oblys ákimi Nurlybek Nálibaev, Ulttyq mýzei direktory Berik Ábdiǵaliuly, oblystyq máslihat tóraǵasy Murat Tileýimbetov jáne ziialy qaýym ókilderi arnaiy qatysty,- dep habarlaidy Dalanews.kz
Aimaq basshysy jinalǵan jurtshylyqty jańa nysannyń ashylýymen quttyqtap, mádeniet salasynda atqarylǵan jumystarǵa toqtaldy.
"Prezidentimiz Qasym-Jomart Kemeluly "Mádeniet – ulttyń tólqujaty. Jahan jurty elimizdi, eń aldymen, ónerimiz arqyly tanyp biledi. Biz – Uly dalada tamyr jaiǵan biregei mádeniettiń zańdy muragerimiz. Qazaq jerinen shyqqan qaitalanbas óner ieleriniń teńdessiz týyndylary tutas ultty tárbieledi. Qazir tól mádenietimiz dúnie júzine tanylyp jatyr", - degen bolatyn. Ótken 2024 jyl óńirimizde «Rýhaniiat jyly» dep jariialanyp, mádeni-kópshilik sharalarmen birge kóptegen aýqymdy jobalardy júzege asyrdyq.
Oblys ortalyǵynda «Anaǵa taǵzym», «Otbasy ortalyǵy», «Óner» ortalyǵy" salynyp, el igiligine berildi.
Osyndai baiypty bastamalardyń jalǵasy retinde biyl balalar men jasóspirimderge arnalǵan «Syr juldyzdary» shyǵarmashylyq-innovatsiialyq akademiiasy, «Saýts Oil» kompaniiasynyń demeýshiligimen mýzykalyq kolledjdiń jańa ǵimaraty, oblystyq tarihi-ólketaný mýzeii ashyldy.
Búgin ózderińizben birge Aral aýdanyndaǵy «Rýhaniiat ortalyǵyn» el igiligine tabystaimyz.
Ortalyqta aq jaýlyqty analarymyz, ardaqty ardagerlerimiz ben jigerli jastarymyz bir jerde bas qosyp, urpaqtar sabaqtastyǵyn jalǵaidy. Barshańyzdy «Rýhaniiat ortalyǵynyń" saltanatty ashylýymen taǵy da quttyqtaimyn!",- dedi N.Nálibaev.
Jiynda Berik Ábdiǵaliuly quttyqtaý sóz sóilep, Qyzylorda qalasy, Aral, Qazaly, Jańaqorǵan aýdandarynyń qurmetti azamaty Najmadin Musabaev batasyn berdi.
Aýdannyń órkendeýine úles qosqan ardagerler men qurylysty salǵan merdiger mekeme qyzmetkerleri oblys ákiminiń Alǵys hatymen marapattaldy.
Aita ketý kerek, biyl Assambleianyń 30 jyldyǵy aiasynda Qyzylordada «Qazatomónerkásip» ulttyq kompaniiasynyń qoldaýymen jańa «Dostyq úii» salynýda. Nysan qarasha aiynda paidalanýǵa beriledi. Mádeniet pen rýhaniiat ókilderine qoldaý kórsetý basty nazarda. Jyl saiyn «Turan» jáne «Jebe» syilyqtaryn tabystaý dástúrge ainaldy. Byltyr alǵash ret mádeniet qyzmetkerlerine arnalǵan kópqabatty turǵyn úi salynyp, 40 qyzmettik páter berildi.
Sondai-aq, simfoniialyq orkestr, inkliýzivti jáne jastar teatrlary, zamanaýi bi, hor ujymdary qurylyp, "Jyraýlar úii" ashyldy.
