Aqtóbe qalasynyń №2 soty tanymal habarlandyrý servisi arqyly páter izdeýshilerdiń senimin paidalanyp, paida tapqan jergilikti turǵynǵa qatysty úkim shyǵardy, dep habarlaidy dalanews.kz.
Er adam ózine tiesili emes páterlerdi jalǵa berý týraly jalǵan habarlandyrýlar jariialaǵan. Páter jaldaǵysy kelgen azamattar onymen bailanysyp, aldyn ala tólem aýdarǵan. Aqshany alǵannan keiin kúdikti ony jeke qajetine jumsap otyrǵan. Al klientter baspanasyz da, aqshasyz da qalǵan.
Alaiaqtyq qurbandary – 29 adam
Keltirilgen jalpy shyǵyn – 1 million 136 myń teńge. Sot barysynda aiyptalýshy kinásin tolyq moiyndap, jasaǵan isine ókinetinin aitqan. Onyń zańsyz áreketteri jábirlenýshiler men kýágerlerdiń jaýaptarymen, sondai-aq aqsha aýdarymdaryn rastaityn bank túbirtekterimen dáleldendi.
Sot ony QR Qylmystyq kodeksiniń 190-baby 3-bóligi 4-tarmaǵy («Birneshe ret jasalǵan alaiaqtyq») boiynsha kináli dep tanyp, 3 jylǵa bas bostandyǵynan aiyrdy.
Alaida keiin Aqtóbe oblystyq sotynyń sot alqasy sottalǵan azamatqa raqymshylyq týraly zańdy qoldanyp, taǵaiyndalǵan jazany 2 jyl 3 aiǵa qysqartty.
Úkim zańdy kúshine endi.
