اقتٶبە قالاسىنىڭ №2 سوتى تانىمال حابارلاندىرۋ سەرۆيسٸ ارقىلى پەتەر ٸزدەۋشٸلەردٸڭ سەنٸمٸن پايدالانىپ, پايدا تاپقان جەرگٸلٸكتٸ تۇرعىنعا قاتىستى ٷكٸم شىعاردى, دەپ حابارلايدى dalanews.kz.
ەر ادام ٶزٸنە تيەسٸلٸ ەمەس پەتەرلەردٸ جالعا بەرۋ تۋرالى جالعان حابارلاندىرۋلار جارييالاعان. پەتەر جالداعىسى كەلگەن ازاماتتار ونىمەن بايلانىسىپ, الدىن الا تٶلەم اۋدارعان. اقشانى العاننان كەيٸن كٷدٸكتٸ ونى جەكە قاجەتٸنە جۇمساپ وتىرعان. ال كليەنتتەر باسپاناسىز دا, اقشاسىز دا قالعان.
الاياقتىق قۇرباندارى – 29 ادام
كەلتٸرٸلگەن جالپى شىعىن – 1 ميلليون 136 مىڭ تەڭگە. سوت بارىسىندا ايىپتالۋشى كٸنەسٸن تولىق مويىنداپ, جاساعان ٸسٸنە ٶكٸنەتٸنٸن ايتقان. ونىڭ زاڭسىز ەرەكەتتەرٸ جەبٸرلەنۋشٸلەر مەن كۋەگەرلەردٸڭ جاۋاپتارىمەن, سونداي-اق اقشا اۋدارىمدارىن راستايتىن بانك تٷبٸرتەكتەرٸمەن دەلەلدەندٸ.
سوت ونى قر قىلمىستىق كودەكسٸنٸڭ 190-بابى 3-بٶلٸگٸ 4-تارماعى («بٸرنەشە رەت جاسالعان الاياقتىق») بويىنشا كٸنەلٸ دەپ تانىپ, 3 جىلعا باس بوستاندىعىنان ايىردى.
الايدا كەيٸن اقتٶبە وبلىستىق سوتىنىڭ سوت القاسى سوتتالعان ازاماتقا راقىمشىلىق تۋرالى زاڭدى قولدانىپ, تاعايىندالعان جازانى 2 جىل 3 ايعا قىسقارتتى.
ٷكٸم زاڭدى كٷشٸنە ەندٸ.
