Aqtóbedegi sport mektepteriniń basshylary biýdjet qarajattaryn býkmekerlik keńselerde utylǵan, - dep habarlaidy Dalanews.kz.
Aqtóbe oblysy prokýratýrasymen balalar men jasóspirimder sport mektepteriniń basshylary biýdjetke túsýge jatatyn sport alańdary men zaldardy jalǵa berý qyzmeti úshin, áýesqoi sport komandalarynan alynǵan qarajatty negizsiz jymqyrǵany anyqtaldy.
Sońǵy 3 jylda Aqtóbe oblysynda kásibi klýbtardy damytýǵa arnalǵan shyǵystar 2 esege ulǵaitylǵan, oblystan respýblikalyq jáne halyqaralyq jarystarǵa daiyndalýǵa jáne qatysýǵa biýdjetten 13 mlrd teńgeden astam qarjy bólingen.
Sport mektepteriniń basshylarymen 6 mln teńgeden astam biýdjet qarajattary zańsyz jumsalǵan.
Bul qarajattar mektep basshylarymen óz qajettilikterine, sonyń ishinde býkmekerlik keńselerdegi stavkalarǵa jumsalǵan.
Sonymen qatar, «Aqtóbe» fýtbol klýby komandasynyń ushýy boiynsha áýe qyzmetterin 165 mln teńgeden astam kóterilgen baǵamen birneshe deldal arqyly satyp alý faktileri anyqtaldy.
Oryn alǵan barlyq faktiler boiynsha prokýratýramen QK-tiń 189-babynyń 4-bóligimen (Senip tapsyrylǵan bóten múlikti iemdenip alý nemese talan-tarajǵa salý) 3 sotqa deiingi tergep-tekserý bastaldy.
Sonymen qatar, tekserý nátijeleri Aqtóbe oblysynyń Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úilestirý keńesiniń otyrysynda qaralyp, jaýapty memlekettik organdarǵa buqaralyq sportty qarjylandyrý jaǵdaiyn túzetý, biýdjet qarajatyn maqsatty jáne tiimdi paidalaný tapsyryldy.
