اقتوبەدەگى سپورت مەكتەپتەرىنىڭ باسشىلارى بيۋدجەت قاراجاتتارىن بۋكمەكەرلىك كەڭسەلەردە ۇتىلعان، - دەپ حابارلايدى Dalanews.kz.

اقتوبە وبلىسى پروكۋراتۋراسىمەن بالالار مەن جاسوسپىرىمدەر سپورت مەكتەپتەرىنىڭ باسشىلارى بيۋدجەتكە تۇسۋگە جاتاتىن سپورت الاڭدارى مەن زالداردى جالعا بەرۋ قىزمەتى ءۇشىن، اۋەسقوي سپورت كوماندالارىنان الىنعان قاراجاتتى نەگىزسىز جىمقىرعانى انىقتالدى.

سوڭعى 3 جىلدا اقتوبە وبلىسىندا كاسىبي كلۋبتاردى دامىتۋعا ارنالعان شىعىستار 2 ەسەگە ۇلعايتىلعان، وبلىستان رەسپۋبليكالىق جانە حالىقارالىق جارىستارعا دايىندالۋعا جانە قاتىسۋعا بيۋدجەتتەن 13 ملرد تەڭگەدەن استام قارجى بولىنگەن.

سپورت مەكتەپتەرىنىڭ باسشىلارىمەن 6 ملن تەڭگەدەن استام بيۋدجەت قاراجاتتارى زاڭسىز جۇمسالعان.

بۇل قاراجاتتار مەكتەپ باسشىلارىمەن ءوز قاجەتتىلىكتەرىنە، سونىڭ ىشىندە بۋكمەكەرلىك كەڭسەلەردەگى ستاۆكالارعا جۇمسالعان.

سونىمەن قاتار، «اقتوبە» فۋتبول كلۋبى كومانداسىنىڭ ۇشۋى بويىنشا اۋە قىزمەتتەرىن 165 ملن تەڭگەدەن استام كوتەرىلگەن باعامەن  بىرنەشە دەلدال ارقىلى ساتىپ الۋ فاكتىلەرى انىقتالدى.

ورىن العان بارلىق فاكتىلەر بويىنشا پروكۋراتۋرامەن قك-تىڭ 189-بابىنىڭ 4-بولىگىمەن (سەنiپ تاپسىرىلعان بوتەن ءمۇلiكتi يەمدەنiپ الۋ نەمەسە تالان-تاراجعا سالۋ) 3 سوتقا دەيىنگى تەرگەپ-تەكسەرۋ باستالدى.

سونىمەن قاتار، تەكسەرۋ ناتيجەلەرى اقتوبە وبلىسىنىڭ زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ وتىرىسىندا قارالىپ، جاۋاپتى مەملەكەتتىك ورگاندارعا بۇقارالىق سپورتتى قارجىلاندىرۋ جاعدايىن تۇزەتۋ، بيۋدجەت قاراجاتىن ماقساتتى جانە ءتيىمدى پايدالانۋ تاپسىرىلدى.