Qazaqstanǵa Reseiden tiisti veterinariialyq qujattary joq 252 myń dana taýyq jumyrtqasyn ákelý faktisi anyqtalyp, ónim keri qaitaryldy, dep habarlaidy dalanews.kz.
«Jaisań» veterinariialyq baqylaý beketinde Aýyl sharýashylyǵy ministrligi Veterinariialyq baqylaý jáne qadaǵalaý komiteti Aqtóbe oblystyq aýmaqtyq inspektsiiasynyń mamandary Reseiden Baiqońyr qalasyna baǵyt alǵan kólikti tekserý kezinde júkke qajetti veterinariialyq qujattardyń joq ekenin anyqtaǵan.
Tasymaldanǵan ónimniń jalpy kólemi 252 myń dana taýyq jumyrtqasyn quraǵan.
Atalǵan fakti boiynsha tiisti akt jasalyp, ákimshilik quqyq buzýshylyq týraly hattama toltyryldy. Nátijesinde veterinariialyq talaptarǵa sáikes kelmeitin jumyrtqalar Reseige keri qaitaryldy.
Tasymaldaýshyǵa veterinariialyq zańnama talaptary, sondai-aq memlekettik shekara arqyly veterinariialyq baqylaýǵa jatatyn ónimderdi ótkizý tártibi túsindirildi.
Veterinariialyq baqylaý jáne qadaǵalaý komiteti memlekettik shekara arqyly baqylaýdaǵy ónimderdi ótkizýge baqylaýdy kúsheitý jáne qajetti veterinariialyq qujattary joq ónimderdiń Qazaqstan aýmaǵyna ákelinýine jol bermeý jumystary jalǵasatynyn málimdedi.
