24 qyrkúiek Aqtóbede Qazaqstan bochcha Federatsiiasy tennis ortalyǵynda "bochcha" paralimpiadalyq sport túrinen inkliýzivti týrnir ótkizdi. Is-shara inkliýzivti qoǵamdy damytýǵa jáne erekshe qajettiligi bar jas sportshylar arasynda belsendi ómir saltyn nasihattaýǵa baǵyttalǵan, dep habarlaidy Dalanews.kz.
Týrnirge 30 qatysýshy, onyń ishinde múgedektigi bar balalar men eresekter, sondai-aq úkimettik emes jáne kommertsiialyq uiymdardyń ókilderi, stýdentter qatysty. Sharanyń basty maqsaty – bul oiyn túrin tanymal etý ǵana emes, sondai-aq qoǵamdaǵy inkliýzivtilik pen teńdikti nyǵaitý, dialog pen ózara árekettesý alańyn qurý.
Aqtóbe oblysynyń Dene shynyqtyrý jáne sport basqarmasy basshysynyń orynbasary Shyńǵys Aibekuly Shoqpýtov izgi tilektrin bildirip, biyl múgedektigi bar sportshylarǵa arnalǵan sport klýbynda "bochcha" bólimi ashylatynyn, sondai-aq Qazaqstandyq bochcha Federatsiiasymen birge bochchisterdiń kásibi daiyndyǵyn kúsheitetinin atap ótti.
Qazaqstan Bochcha federatsiiasynyń demeýshisi "ERG Komek" korporativtik qorynyń qoldaýymen Aqtóbe oblysyndaǵy erekshe qajettiligi barsportshylarǵa arnalǵan sport klýbyna bochcha doptarynyń eki jiyntyǵy jáne bochcha oinaýǵa arnalǵan arnaiy rampa berildi.
Qosymsha is-sharalar:
Týrnirdiń ózinen bólek, 23 qyrkúiekte Aqtóbede 65 adamǵa arnalǵan beiimdelgen dene shynyqtyrý men bochcha boiynsha tegin seminarlardene shynyqtyrý muǵalimderi men stýdentterine ótildi. Bul mamandardyń biliktiligin arttyrýǵa baǵyttalǵan jáne múmkindigi shekteýli balalarmen jáne eresektermen jumys isteý ádisteri men tájiribe almasýdy qamtidy.
Jobany qoldaý:
Bul is-sharalar "ERG Komek" korporativtik qory qoldaýynyń arqasynda paralimpiada sportynyń bochcha túrin damytý jobasy aiasynda ótti. Qazaqstandyq Bochcha federatsiiasy para-sportshylarǵa qolaily jaǵdai jasap qana qoimai, beiimdi sport salasynda kadrlyq áleýetti damytý boiynsha belsendi jumys isteidi. Sondai-aq qor sportshylardy qajetti qural-jabdyqtarmen qamtamasyz etip, týrnirler men jattyǵýlardyń infraqurylymyn damytýǵa úles qosady.
Áleýmettik mańyzdylyǵy:
Jobanyń sport arqyly qoǵamdaǵy inkliýzivtilik pen teńdikke yqpal etetin joǵary áleýmettik máni bar. Bochcha múmkindigi shekteýli adamdardy integratsiialaýdyń, olardyń áleýmettik jáne fizikalyq belsendiligin arttyrýdyń, sondai-aq inkliýzivti ortany qurýǵa yqpal etýdiń mańyzdy quralyna ainalýda.
Aita keteiik, Bochcha – doppen oinaityn sporttyq oiyn. Oǵan tirek-qimyl apparaty buzylǵan adamdar qatysady. Atalǵan saiys túri 1984 jyly Paralimpiadalyq oiyndar baǵdarlamasyna engizilgen. Qazaqstanda alǵash ret 2018 jyly negizi qalanyp, qarqyndy damyp keledi. Qazirgi tańda bul sport múgedektigi bar azamattardyń, ásirese, balalar men jastardyń arasynda úlken qyzyǵýshylyqqa ie.
