Aqtóbede qorshaǵan ortany lastaǵany úshin kompaniiaǵa 1,2 mlrd teńge aiyppul salyndy, dep habarlaidy Dalanews.kz.
Tabiǵat qorǵaý prokýratýrasynyń tapsyrmasy boiynsha oblystyq ekologiia departamenti «Intergaz Ortalyq Aziia» AQ-y filialynyń qyzmetine tekserý júrgizdi.
Tekserý barysynda, Shalqar aýdanyndaǵy Bozoi jerasty gaz qoimasynda eki uńǵyma mindetti ekologiialyq ruqsatsyz burǵylanǵany anyqtaldy.
Zańǵa sáikes, atmosferaǵa shyǵaryndylardy shyǵarý jáne óndiristik qaldyqtardy ornalastyrýda qorshaǵan ortaǵa emissiialar úshin arnaiy ruqsat qajet.
Ruqsatsyz emissiialar normativten joǵary dep tanylady jáne belgilengen limitten artyq jinaqtalǵan nemese kómilgen qaldyqtardyń kólemine qatysty on myń paiyzy mólsherinde aiyppul sala otyryp, ákimshilik jaýaptylyqqa ákep soǵady.
Tekserý qorytyndysymen kompaniiaǵa qatysty 1,2 mlrd teńge aiyppul salýmen 4 ákimshilik material tirkeldi.
Onyń ishinde 20 mln teńge kólemindegi aiyppuldy kásiporyn erikti túrde tólep, qalǵan 1,1 mlrd teńgeden astam soma boiynsha sotqa shaǵymdandy.
Búgingi tańda kompaniia 20 million teńge aiyppuldy óz erkimen tólep, qalǵan 1,1 mlrd teńgeden astam sommaǵa qatysty sotqa shaǵym túsirdi.
Birinshi jáne apelliatsiialyq satylardaǵy sot sheshimderimen aiyppul salý týraly qaýlylar kúshinde qaldyryldy.
Zańǵa sáikes, kompaniia bir ai ishinde 1,1 mlrd teńge kóleminde aiyppuldyń qalǵan somasyn tóleýge mindetti.
Aiyppuldar belgilengen merzimde tólenbegen jaǵdaida, májbúrlep óndirip alý kózdelgen.
