Aqtóbede anasyn óltirip, ájesine pyshaqpen shabýyl jasaǵan 11-synyp oqýshysy aýrýyna bailanysty qylmystyq jaýapkershilikten bosatyldy, dep habarlaidy dalanews.kz.
Oqiǵa byltyr 2 jeltoqsanda Aqtóbe qalasynyń ortalyǵyndaǵy turǵyn úilerdiń birinde bolǵan. Alǵadan qalaǵa kóship kelgen otbasynda qaiǵyly jaǵdai oryn alǵan. 11-synyp oqýshysy anasyna pyshaq suǵyp, áiel alǵan jaraqatynan kóz jumǵan. Onyń jasy 41-de bolǵan.
Jasóspirim 72 jastaǵy ájesine de pyshaq jaraqatyn salǵan. Alaida áiel aman qalǵan. Ony jedel járdem qyzmeti pyshaq jaraqattarymen qalalyq kópbeiindi aýrýhanaǵa jetkizgen.
Oqiǵaǵa sol túni tórtinshi qabattaǵy páterden shyqqan aiqaiǵa nazar aýdarǵan joǵarǵy qabattaǵy kórshiler sebepker bolyp, politsiia shaqyrǵan.
Is boiynsha qylmystyq is qozǵalyp, sot protsesi shamamen toǵyz aidan keiin ótken. Alaida aiyptalýshy sot otyrysyna qatyspaǵan. Ol psihiatriialyq aýrýhanada emdelip jatyr.
Sotta sarapshy-psiholog jasóspirimniń boiyndaǵy aýrý belgilerin jaqyndarynyń baiqamaýy múmkin ekenin aitqan. Onyń pikirinshe, mekteptegi pedagog-psiholog mundai belgilerge nazar aýdarýy kerek bolǵan.
Sarapshy jasóspirimdi oqshaýlap, meditsinalyq mekemede baqylaýda ustaý qajet ekenin atap ótken.
Sotta jábirlenýshi retinde jasóspirimniń ájesi sóz sóiledi. Ol nemeresin jaqsy bala retinde sipattap, onyń únemi kómekteskenin jáne kishilermen oinaǵanyn aitqan.
«Nemerem jaqsy bala. Maǵan únemi kómektesetin, kishilermen oinaityn. Men ol úshin qatty alańdaimyn. Oǵan qatysty eshqandai shaǵym bolǵan emes. Sol túni ne bolǵanyn bilmeimin. Politsiia kelgeni esimde, keiin aýrýhanada esimdi jidym. Jaraqattarym jeńil boldy», – dedi ájesi sotta.
Jasóspirimge Qylmystyq kodekstiń adam óltirý jáne adam óltirýge oqtalý baptary boiynsha aiyp taǵylǵan.
Sot ony aýrýyna bailanysty qylmystyq jaýapkershilikten bosatty. Úkimde jasóspirimge statsionar jaǵdaiynda májbúrli meditsinalyq emdeý qajet ekeni kórsetilgen.
