Aqtóbede adamdardy qorqytyp, kúsh qoldanyp aqsha bopsalady degen kúdikpen jeti adam ustaldy, dep habarlaidy dalanews.kz.
Politsiianyń málimetinshe, uiymdasqan qylmysqa qarsy kúres basqarmasynyń qyzmetkerleri arnaiy maqsattaǵy jasaqtyń qoldaýymen bopsalaý jáne tonaý derekterine qatysy bar degen kúdikpen jeti kúdiktini qolǵa túsirgen.
Tergeý málimetine sáikes, 17 maýsym kúni kúdiktilerdiń bir toby jergilikti turǵyndy soqqyǵa jyǵyp, oǵan kúsh kórsetemiz dep qorqytyp, bankke nesie rásimdeýge jáne depozittegi qarajatyn sheship berýge májbúrlegen. Nátijesinde olar jábirlenýshiniń 700 myń teńgesin iemdengen.
Atalǵan derek boiynsha Qylmystyq kodekstiń bopsalaý babymen sotqa deiingi tergep-tekserý bastaldy.
Qazirgi ýaqytta tergeýshiler ustalǵandardyń osyǵan uqsas ózge de qylmystarǵa qatysy bar-joǵyn anyqtap jatyr.
