Aqtóbede jekemenshik qos mekteptiń 700-den asa muǵalimi tórt aidan beri jalaqy ala almai júr, dep habarlaidy Dalanews.kz "KTK" telearnasyna siltep.
Ustazdar qaryzǵa belshesinen batyp, nesie tólemegenderdiń qara tizimine endik dep ashynady. Bir quryltaishynyń menshigindegi qos mektepte 9 myńnan asa oqýshy bilim alady. Solarǵa sabaq beretin 741 muǵalim tamyzdan beri ailyq almaǵan.
Kompaniianyń eki aidaǵy jalaqy boiynsha qaryzy bir jarym milliard teńgeden asypty. Mektep basshylyǵy máselege jańa júiedegi aqaý sebep boldy dep aqtalady.
Eńbek inspektorlary olarǵa aiyppul salyp ketken. Aita keteiik, ár balaǵa qazynadan jylyna 570 myń teńge bólinedi. Endi ol qarjy kóktemnen bastap jergilikti biýdjetten bólinbek.
Bilim basqarmasyndaǵylar qazir "Bilim klass" jáne "E qazyna" platformalaryn sáikestendirip jatqanyn aitady. Sol rettelgen boida jalaqy daýy sheshiledi dep sendirgen.
