اقتٶبەدە جەكەمەنشٸك قوس مەكتەپتٸڭ 700-دەن اسا مۇعالٸمٸ تٶرت ايدان بەرٸ جالاقى الا الماي جٷر, دەپ حابارلايدى Dalanews.kz "كتك" تەلەارناسىنا سٸلتەپ.
ۇستازدار قارىزعا بەلشەسٸنەن باتىپ, نەسيە تٶلەمەگەندەردٸڭ قارا تٸزٸمٸنە ەندٸك دەپ اشىنادى. بٸر قۇرىلتايشىنىڭ مەنشٸگٸندەگٸ قوس مەكتەپتە 9 مىڭنان اسا وقۋشى بٸلٸم الادى. سولارعا ساباق بەرەتٸن 741 مۇعالٸم تامىزدان بەرٸ ايلىق الماعان.
كومپانييانىڭ ەكٸ ايداعى جالاقى بويىنشا قارىزى بٸر جارىم ميلليارد تەڭگەدەن اسىپتى. مەكتەپ باسشىلىعى مەسەلەگە جاڭا جٷيەدەگٸ اقاۋ سەبەپ بولدى دەپ اقتالادى.
ەڭبەك ينسپەكتورلارى ولارعا ايىپپۇل سالىپ كەتكەن. ايتا كەتەيٸك, ەر بالاعا قازىنادان جىلىنا 570 مىڭ تەڭگە بٶلٸنەدٸ. ەندٸ ول قارجى كٶكتەمنەن باستاپ جەرگٸلٸكتٸ بيۋدجەتتەن بٶلٸنبەك.
بٸلٸم باسقارماسىنداعىلار قازٸر "بٸلٸم كلاسس" جەنە "ە قازىنا" پلاتفورمالارىن سەيكەستەندٸرٸپ جاتقانىن ايتادى. سول رەتتەلگەن بويدا جالاقى داۋى شەشٸلەدٸ دەپ سەندٸرگەن.
