Aqtóbe oblysynyń Áiteke bi aýdanyndaǵy Aqqum aýylynda erigen qar sýy jinalǵan orǵa shomylýǵa túsken jasóspirim sýǵa batyp qaitys boldy, dep habarlaidy Dalanews.
«Diapazon» basylymynyń málimetinshe, qaiǵyly oqiǵa 22 shilde kúni keshke bolǵan. Jasóspirim shomylýǵa arnalmaǵan orynda sýǵa túsip, qaita shyǵa almai qalǵan.
Onyń denesin qutqarýshylar 23 shilde kúni tańerteń sýdan alyp shyqqan.
Aldyn ala málimet boiynsha, jasóspirim arnaiy jabdyqtalmaǵan jerde shomylǵan. Oqiǵanyń naqty mán-jaiy anyqtalyp jatyr.
Aqtóbe oblysynyń Tótenshe jaǵdailar departamenti turǵyndardy sýdaǵy qaýipsizdik erejelerin saqtaýǵa, jabdyqtalmaǵan sý aidyndarynda shomylmaýǵa jáne balalardy sý jaǵasynda qaraýsyz qaldyrmaýǵa shaqyrdy.
