Aqtóbe oblysy Hromtaý aýdanynda ornalasqan Dońǵar baiytý kombinatyna qarasty "Bolashaq" shahtasynda tótenshe jaǵdai oryn aldy, dep habarlaidy Dalanews.kz.
26 mamyr kúni saǵat 22:30 shamasynda shahtanyń óndiristik blogynda aýa qospasynyń qysqa merzimdi tutanýy tirkelgen. Oqiǵa saldarynan úsh qyzmetker jaraqat aldy.
"Qazhrom" kompaniiasynyń málimetinshe,"Bolashaq" shahtasynyń óndiristik blogynda aýa ortasynyń qysqa ýaqytqa janýy boldy.
"Sol sátte jabdyq ornatyp jatqan úsh kezekshi elektrslesar beti men qolynyń kúiik jaraqattaryn aldy", – delingen "TNK "Qazhrom" AQ baspasóz qyzmetiniń habarlamasynda.
Zardap shekkender shuǵyl túrde Hromtaý ortalyq aýrýhanasyna jetkizilgen. Qazir olarǵa qajetti meditsinalyq kómek kórsetilýde. Kásiporyn basshylyǵy dárigerlermen jáne zardap shekkenderdiń týystarymen turaqty bailanys ornatqan.
