Aqtóbe oblysy Shalqar aýdany Toǵyz aýylynda zańsyz iemdelgen aktivterdi qaitarý esebinen zamanaýi meditsinalyq pýnkt ashylyp, paidalanýǵa berildi, dep habarlaidy Dalanews.kz.
Bul joba prokýratýra organdary qaitarǵan zańsyz shyǵarylǵan aktivter esebinen júzege asyrylyp, halyq igiligine baǵyttalǵan mańyzdy áleýmettik bastamalardyń biri.
Jańa meditsinalyq pýnkt táýligine 25 kelýshini qabyldaýǵa arnalǵan jáne aýyl turǵyndaryna sapaly ári ýaqtyly alǵashqy meditsinalyq-sanitariialyq kómek kórsetýdi qamtamasyz etedi.
Nysannyń paidalanýǵa berilýi shalǵai eldi meken turǵyndary úshin meditsinalyq qyzmetterdiń qoljetimdiligin aitarlyqtai arttyryp, halyq densaýlyǵy deńgeiine oń áserin tigizedi.
Endi aýyl turǵyndary basqa eldi mekenderge barmai-aq, qajetti meditsinalyq kómekti turǵylyqty jeri boiynsha alý múmkindigine ie boldy.
Qazirgi tańda Aqtóbe oblysynda qaitarylǵan aktivter esebinen 13 áleýmettik nysannyń 11-iniń qurylysy aiaqtalyp, paidalanýǵa berildi.
Qalǵan jobalardy iske asyrý jalǵasýda.
Jalpy, aktivterdi qaitarý boiynsha jumys jalǵasyp, áleýmettik infraqurylymdy odan ári damytýǵa jáne halyqtyń ómir súrý sapasyn arttyrýǵa baǵyttalǵan.
