Jelide taraǵan videodaǵy málimetke súiensek, 29 jeltoqsanda "Aqtóbe ÁKK" basqarma tóraǵasynyń birinshi orynbasary Rýslan Ájniiazov negizgi syiaqydan bólek, keibir qyzmetkerlerge 2-3 jalaqy kóleminde, shamamen 12 million teńge mólsherinde qosymsha syiaqy (10-15 adam) bergen.
"Bul aqshany Ájniiazov pen onyń serikteri Álibek Serikbaev pen Abylaihan Aiazbaev jinap, Aqtóbe oblysy ákiminiń orynbasary Ǵalymjan Eleýovtiń kómekshisine tapsyrdy. "Aqtóbe ÁKK" qyzmetkerleri syiaqyny jaqyn mańdaǵy bankomattardan túsirip alyp, ony Rýslan Ájniiazovqa qaita berýge májbúr bolǵan. Aqtóbe oblysy boiynsha Antikor qyzmetkerlerine keńes: 2023 jylǵy jeltoqsannyń sońyndaǵy "Aqtóbe ÁKK" qyzmetkerlerine túsken aqshany qaraý, aqsha túsken qyzmetkerlerge basqa qyzmetkerlerden erekshelep, qandai maqsatta jáne ne úshin aqsha berilgenin suraý. Bul aqsha qashan túsirip alyndy? Bul aqsha kimge berildi?", - dep jazylǵan video sipattamasynda.
"Aqtóbe" ÁKK tóraǵasynyń orynbasary Narek Gegamian bul másele boiynsha qyzmettik tergeý taǵaiyndalǵanyn, barlyq derek zertteletinin málimdedi.
"Jyldyń aiaǵy boldy, merekeler, syiaqylar berildi, basqa aqparat qosymsha habarlanady", - dedi ol.
Narek Gegamian qyzmetkerlerdiń jalaqy mólsherin atamady, biraq Rýslan Ájniiazov jumysta, ákimdikte jinalysta ekenin aitty. Ol turaqtandyrý qory men TKSh jańǵyrtý máselelerine jetekshilik etedi.
Sonymen qatar, bul jaǵdaiǵa Aqtóbe oblysy ákimdigi ókilderi pikir bildirdi.
"Jelide oblys ákiminiń orynbasary Ǵalymjan Eleýovtyń aty-jóni atalǵan video tarady, biraq onyń buǵan qatysy bar ma, joq pa, bilmeimiz. Qazir ÁKK-de ishki tergeý júrgizilip jatyr. Eleýov jumysta, mundai aqparat qaidan shyqqanyn bilmeidi. Videodaǵy - "Aqtóbe" ÁKK tóraǵasynyń orynbasary Rýslan Ájniiazov, ekinshi adam - buryn ákimdikte jumys istegen, qazir jumys istemeidi", - dedi Aqtóbe oblysy ákiminiń baspasóz hatshysy Gúlbaǵda Kóbeeva.
Sýret: Jelide taraǵan videodan skrin
https://dalanews.kz/saraptama/97738-yeks-ministr-mukhamediuly-men-onyng-zhuba
