Aqtóbe oblysynda kepilge alynyp, aman qalǵan áıel aýrýhanadan shyqty, dep habarlaıdy Dalanews.kz. 

"Naýqas jalpy jaǵdaıy men densaýlyq kórsetkishteriniń jaqsarýyna baılanysty úıine shyǵaryldy. Odan ári tirkelgen jerindegi emhanada baqylaýǵa alyndy", - dep habarlady Aqtóbe oblysynyń densaýlyq saqtaý basqarmasyndaǵylar.

Eske salaıyq,14 qańtarǵa qaraǵan túni Aqtóbede belgisiz bireý adamdardy kepilge aldy. Úıdegi úsh adam zardap shekti, onyń ekeýi qaza tapty. 

13 qańtar kúni saǵat 20:00 shamasynda Jedel basqarý ortalyǵyna Aqtóbe qalasyndaǵy jeke turǵyn úıden kepilge alý týraly habarlama kelip túsken.

Jedel-tergeý toby men arnaıy bólimsheler oqıǵa ornyna dereý jetti. Jedel qyzmetter kelgen boıda, kúdiktimen buryn tanys bolǵan, bir áıeldiń kepilge alynǵany belgili boldy.

Bul rette kúdikti qandaı da bir talaptar qoıǵan joq. Úsh saǵattyq kelissózderden keıin jáne kúdikti kepilge alynǵan adamdy bosatý týraly talaptardy oryndaýdan bas tartqannan soń, shabýyl jasaý týraly sheshim qabyldanǵan. 

Arnaıy operasıa nátıjesinde kúdikti ustalyp, kepilge alynǵan áıel bosatyldy.
Oqıǵa bolǵan jerdi zerdeleý barysynda jertólede pyshaq jaraqattarymen egde jastaǵy ata-anasy tabyldy.

Ókinishke qaraı, zardap shekkenderdiń biri tasymaldaý kezinde, al ekinshisi aýrýhanada kóz jumdy. Úshinshi jábirlenýshige dárigerler barlyq qajetti medısınalyq kómek kórsetip jatyr.

​"Polısıa departamenti qaza tapqandardyń týystary men jaqyndaryna kóńil aıtady. Kináli adam zańnyń barlyq qatańdyǵymen jazalanatyn bolady", deıdi polıseıler. 

​Bul fakti boıynsha qylmystyq is qozǵaldy. Kúdikti ýaqytsha ustaý ızolátoryna qamaldy.