Aqtóbe oblysynda áieldi urǵan ákim sottaldy, dep habarlaidy Dalanews.kz.
"KTK" telearnasy málimetinshe, Aqtóbe oblysy Qandyaǵash qalasynyń ákimi Qazbek Aqqaiyr áieldi urǵany úshin kináli dep tanylǵan. Is materialdaryna súiensek, 39 jastaǵy sheneýnik kabinetine kelgen áieldi urǵan.
"Áiel ákimmen uzaq ýaqyt jaqyn qatynasta bolǵanyn jáne sol kúni jaǵdaidy anyqtaý úshin barǵanyn aitqan. Dese de áńgimeniń arty janjalǵa ulasqan. Ákim ony urǵan kórinedi. Keiin áiel dárigerlerge, politsiiaǵa júgingen", – dep jazylǵan arna málimetinde.
Sot oǵan aiyppul salyp, moraldyq zalal úshin 100 myń teńge ótemaqy tóleýge mindettedi.
"Ol ózin aqtaýdy surap, kinásin moiyndamady. Sot úkimimen A. Qylmystyq kodekstiń 109-baby 1-bóligi boiynsha kináli dep tanylyp, 80 ailyq eseptik kórsetkish mólsherinde aiyppul salyndy, bul 314 560 teńge bolady", – dedi Aqtóbe oblystyq sotynyń baspasóz hatshysy Jansaia Tairova.
Úkim zańdy kúshine engen joq.
